இயக்குநர் பாரதிராஜாவின் மகன் நடிகர் மனோஜ் இன்று திடீரென இறந்து போனார். அவருக்கு வயது 48.
இயக்குநர் பாரதிராஜாவின் மகன் மனோஜ் 1999 ஆம் ஆண்டு வெளியான தாஜ்மஹால் படம் மூலம் நடிகராக திரைத்துறைக்கு அறிமுகமானார். இந்த படத்தை பாரதிராஜாவே இயக்கியிருந்தார். அல்லி அர்ஜுனா, வருஷமெல்லாம் வசந்தம் ஆகிய படங்களிலும் ஹீரோவாக நடித்திருந்தார். கடைசியாக கார்த்தியின் விருமன் படத்தில் முக்கிய கதாபாத்திரத்தில் நடித்திருந்தார்.
இந்தநிலையில் திடீரென ஏற்பட்ட மாரடைப்பு காரணமாக இன்று (மார்ச் 25 ) மாலை 6 மணியளவில் மனோஜ் அவரது வீட்டில் காலமானார். ஏற்கனவே, அவருக்கு இதய அறுவை சிகிச்சை செய்யப்பட்டிருந்தாக சொல்லப்படுகிறது.
மனோஜின் இறப்பு திரையுலகில் அதிர்ச்சியை ஏற்படுத்தியுள்ளது . கடந்த 2006 ஆம் ஆண்டு மனோஜ் கேரளாவை சேர்ந்த நடிகை நந்தனாவை திருமணம் செய்தார். இந்த தம்பதிக்கு இரு குழந்தைகள் உள்ளனர்.
