தவறாக அனுப்பி விட்டீர்களா? ஃபேஸ்புக் மெசஞ்சர் செய்தியை அழிக்கலாம்!

தொடர்பில்லாத குழுவுக்கு அல்லது நபருக்கு மெசஞ்சரில் செய்தியை அனுப்பியிருந்தாலோ, யாருக்காவது அனுப்பியிருந்த செய்தி தவறாக இருந்து திருத்தம் செய்ய விரும்பினாலோ அதற்கான வசதியை ஃபேஸ்புக் நிறுவனம் அறிமுகம் செய்துள்ளது.
 
முகநூல் நிறுவனத்தின் மெசஞ்சர் செயலியை நூறு கோடிக்கும் அதிகமானோர் பயன்படுத்தி வருகின்றனர். கடந்த ஆண்டு, ஃபேஸ்புக் நிறுவனத்தின் உடன் நிறுவனரும் தலைமை அதிகாரியுமான மார்க் ஸக்கர்பெர்க், தாம் மெசஞ்சரில் அனுப்பியிருந்த செய்திகளை அழித்தார். பயனர்கள் அனைவரும் தங்களுக்கும் அந்த வசதி அளிக்கப்பட வேண்டுமென்று கோரிக்கை வைத்தார்கள். இதுவரைக்கும் பயனர்கள் ஒருமுறை மெசஞ்சரில் ஒரு பதிவை அனுப்பிவிட்டால் அதில் மாற்றம் செய்ய இயலாத நிலை இருந்து வந்தது.
 
தற்போது, மெசஞ்சரில் அனுப்பப்பட்ட செய்தியை அழிக்கும் மற்றும் திருத்தம் செய்யும் வசதி அறிமுகம் செய்யப்பட்டுள்ளது.
மெசஞ்சரில் அனுப்பப்பட்ட செய்தியை அழிப்பதற்கான வழிமுறை:
நீங்கள் அழிக்க விரும்பும் செய்தியின் மேல் விரலை வைத்து தொடர்ந்து அழுத்திக் கொண்டே இருக்கவும்.
 
அதில் தோன்றும் Remove என்ற கட்டளையை தெரிவு செய்யவும்.
பின்னர் Remove for Everyone என்ற கட்டளையை தெரிவு செய்யவும்.
அப்போது நீங்கள் அனுப்பிய குறிப்பிட்ட செய்தி அழிக்கப்படும். மேலும் You removed a message என்ற தகவலும் திரையில் தோன்றும்.
மெசஞ்சரில் அனுப்பிய செய்தியை திருத்தம் செய்ய வசதியாக அதற்கான பட்டி பத்து நிமிட நேரம் அனுமதி கொடுக்கும். அதேபோன்று ஒரு செய்தியை மெசஞ்சரில் அனுப்பி பத்து நிமிடங்கள் கடந்த பின்னர் Remove for Everyone என்ற கட்டளையை பயன்படுத்த இயலாது.
 
முகநூல் அறிமுகம் செய்திருக்கும் இந்த புதிய வசதி, ஆப்பிள் மற்றும் ஆண்ட்ராய்டு ஆகிய இரு பயனர்களுக்கும் கிடைக்கும்.
 
எங்களுடைய தமிழ் செய்திகளை உங்கள் மெயில் இன்பாக்சில் பெறுவதற்கு இங்கே உங்கள் மெயில் ஐடியை பதிவு செய்யவும் : Tamil news RSS
Advertisement
மேலும் செய்திகள்
Google-Go-App-now-available-all-through-the-world
கூகுள் கோ: இப்பொழுது உலகமெங்கும்...
Old-smartphone-can-be-used-as-a-home-security-camera
ஸ்மார்ட்போனை கண்காணிப்பு காமிராவாக பயன்படுத்துவது எப்படி?
Apps-removed-from-Play-Store-by-Google
சூப்பர் செல்ஃபி உள்பட 85 செயலிகளை அகற்றியது கூகுள்
Amazon-Launches-Hindi-Automated-Assistant
அமேசான் அசிஸ்டெண்ட்: இந்தி மொழியில் அறிமுகம்
Independence-day-special-Ashoka-Chakra-emoji-launched-by-twitter
அசோக சக்கரம் இமோஜி ட்விட்டரில் அறிமுகம்
Will-harmonyOS-be-a-trouble-to-Android
ஆண்ட்ராய்டு இயங்குதளத்துக்கு ஆபத்தா? வருகிறது ஹார்மனி!
Vulnerability-Whatsapp
மாற்றப்படும் வாட்ஸ்அப் செய்திகள்: எதை நம்புவது?
New-features-Telegram-App
டெலிகிராம் செயலி: அலர்ட் இல்லாத செய்தி
To-avert-accidents-AI-to-be-enabled-in-govt-buses
மோதலை தவிர்க்க செயற்கை நுண்ணறிவு: பேருந்துகளில் அறிமுகமாகிறது
Realme-X-Now-Available-via-Offline-stores
விற்பனைக்கு வந்துள்ள ரியல்மீ எக்ஸ்
Tag Clouds