ரெட்மி நோட் 7: மார்ச் 6ம் தேதி சந்தைக்கு வருகிறது
Redmi Note 7 With 4,000mAh Battery, Dual Rear Cameras Launched in India
கடந்த மாதம் சீன சந்தையில் அறிமுகமான ரெட்மி நோட் 7 ஸ்மார்ட் போன், இந்தியாவில் மார்ச் 6ம் தேதி விற்பனைக்கு வரும் என்று அறிவிக்கப்பட்டுள்ளது. ஸோமி நிறுவனம், தன் துணை நிறுவனமாக இருந்து வந்த ரெட்மியின் பெயரில் வெளியிட்டுள்ள முதல் தயாரிப்பு இது என்பது குறிப்பிடத்தக்கது.
ரெட்மி நோட் 7 போனின் சிறப்பம்சங்கள்:
தொடுதிரை: 6.3 அங்குலம் எஃப்ஹெச்டி வகை மற்றும் 1080X2340 பிக்ஸல் தரத்தில்
கூடுதல்: கொரில்லா கிளாஸ் 5; வாட்டர்டிராப் ஸ்டைல் நாட்ச்
பிராசஸர்: குவல்காம் ஸ்நப்டிராகன் 660 ஆக்டா கோர்; சிப் ஆன் சிஸ்டம்
இயக்க வேகம்: 3 ஜிபி மற்றும் 4 ஜிபி RAM
சேமிப்பளவு: 32 மற்றும் 64 ஜிபி (256 ஜிபி வரைக்கும் கூடுதல் சேமிப்பளவு கொள்ளலாம்)
பின்பக்க காமிரா: 12 எம்பி மற்றும் 2 எம்பி ஆற்றல் கொண்ட இரண்டு பின்புற காமிராக்கள்
முன்பக்க காமிரா: 13 எம்பி ஆற்றல் கொண்டது
இயங்குதளம்: MIUI 10 உடன் கூடிய ஆண்ட்ராய்டு 9 பை
பேட்டரி: 4000 mAh ஆற்றல் கொண்டது. குயிக் சார்ஜ் 4.0 வசதி கொண்டது
பின்புறம் விரல் ரேகை உணரி (ஃபிங்கர் பிரிண்ட் சென்சார்). யூஎஸ்பி டைப் சி போர்ட், இரட்டை சிம், ப்ளூடூத் 5.0 மற்றும் வைஃபை 5, பயனர் முகத்தை கடவுச் சொல்லாக பயன்படுத்தும் வசதிகளும் இதில் உள்ளன.
விலை: 3 ஜிபி RAM இயக்க வேகம் 32 ஜிபி சேமிப்பளவு கொண்ட போன் 9,999 ரூபாய்க்கும், 4 ஜிபி RAM இயக்க வேகம் 64 ஜிபி சேமிப்பளவு கொண்ட போன் 11,999 ரூபாய்க்கும் கிடைக்கும் என தெரிகிறது.
செயற்கை நுண்ணறிவு (AI) திறன் கொண்ட ரெட்மி நோட் 7 ஸ்மார்ட் போன், மார்ச் 6ம் தேதி 12 மணிக்கு விற்பனைக்கு வரும். Mi.com, Flipkart இணையதளங்களிலும் Mi கடைகளிலும் இதை வாங்கலாம்
You'r reading ரெட்மி நோட் 7: மார்ச் 6ம் தேதி சந்தைக்கு வருகிறது Originally posted on The Subeditor Tamil
More Technology News