பிகில் வெளியீட்டு தேதியில் மீண்டும் குழப்பம்?

விஜய் நடிப்பில் உருவாகியுள்ள பிகில் படம் தீபாவளி தினமான ஞாயிறு வெளியாகுமா இல்லை அதற்கு முந்தைய வெள்ளிக்கிழமை வெளியாகுமா? என்ற குழப்பம் மீண்டும் சூடு பிடித்துள்ளது.

ஏஜிஎஸ் தயாரிப்பில் அட்லி இயக்கத்தில் நடிகர் விஜய், நயன்தாரா, ஜாக்கி ஷெராஃப், கதிர், இந்துஜா, ஆனந்த்ராஜ், விவேக் மற்றும் யோகிபாபு என நட்சத்திர பட்டாளங்களின் நடிப்பில் உருவாகியுள்ள படம் பிகில்.

வரும் தீபாவளிக்கு ரிலீஸ் ஆகும் என அறிவிக்கப்பட்டுள்ளது. இந்த ஆண்டு தீபாவளி ஞாயிற்றுக் கிழமை வருவதால், அதற்கு முன்னதாக வரும் வெள்ளிக்கிழமையான அக்டோபர் 25ம் தேதி படம் வெளியாக வாய்ப்புள்ளதாக தகவல்கள் வெளியாகின.

ஆனால், தீபாவளிக்கு தான் பிகில் ரிலீஸ் என்ற அறிவிப்பு மீண்டும் பரவியது. இந்நிலையில், இன்று அர்ச்சனா கல்பாத்தி ஒரு ட்வீட்டை பதிவிட்டுள்ளார். அதில், பிகில் ரிலீஸ் தேதி குறித்த தேவையற்ற வதந்திகளை பரப்ப வேண்டாம் என்றும், தணிக்கை சான்றிதழ் கிடைத்த உடன், படம் வெளியாகும் தேதியுடன் போஸ்டர் வரும் என்றும், பாக்ஸ் ஆபிஸ் நிலவரங்களை கவனத்தில் கொண்டு தேதி முடிவு செய்யப்படும் என்று அந்த ட்வீட்டில் அர்ச்சனா கல்பாத்தி தற்போது வெளியிட்டுள்ளார்.

இதனால், மீண்டும், படம் தீபாவளி அன்று வெளியாகுமா இல்லை அதற்கு முன்பாகவே வெளியிட தயாரிப்பு நிறுவனம் திட்டமிட்டு இருப்பதையே இந்த ட்வீட் அறிவுறுத்துகிறது என பலரும் கமெண்ட்டுகள் அடித்து வருகின்றனர்.

அந்த ட்வீட்டுடன் இன்று மாலை 6 மணிக்கு ரசிகர்களுக்கு விருந்தாக மேலும் ஒரு பிகில் போஸ்டரை அர்ச்சனா கல்பாத்தி வெளியிட்டு ரசிகர்களை வரும் வியாழனன்று நடைபெற உள்ள இசை வெளியீட்டு விழா மோடுக்கு மாற்றியுள்ளார்.

You'r reading பிகில் வெளியீட்டு தேதியில் மீண்டும் குழப்பம்? Originally posted on The Subeditor Tamil