தென்னாப்பிரிக்காவுக்கு எதிரான டி20 தொடரின் இறுதிப்போட்டியில் தோனியின் அறிவுரையை ஏற்காமல் பந்துவீசிய ரெய்னா அளவுக்கு அதிகமாகவே சொதப்பியுள்ளார்.
இந்தியக் கிரிக்கெட் அணி தென்னாப்பிரிக்காவுக்கு எதிரான டெஸ், ஒரு நாள், டி20 ஆகியப் போட்டிகள் கொண்ட தொடரில் விளையாடியது. டெஸ்ட் போட்டியில் தோற்றபோதும் ஒரு நாள் மற்றும் டி20 போட்டிகளில் இந்திய அணி வெற்றிக் கோப்பையைக் கைப்பற்றியது. இந்தப் போட்டியில் டி20-யின் போது நீண்ட இடைவேளைக்குப் பின்னர் ரீ-என்ட்ரி கொடுத்தார் சுரேஷ் ரெய்னா.
நீண்ட இடைவேளைக்குப் பின்னர் களம் இறங்கிய ரெய்னா சரியான ஃபார்மில் இல்லை. சொதப்பலான பந்துவீச்சு, ஃபீல்டிங் என மோசமான ஆட்டத்தையே வெளிப்படுத்தினார். இந்நிலையில் டி20 இறுதிப்போட்டியின் போது தோனி- ரெய்னா இடையேயான உரையாடல் ஸ்டம்ப் மைக் மூலம் வெளியாகியுள்ளது. இதில் விக்கெட் கீப்பர் தோனி பந்துவீச்சாளர் ரெய்னாவிடம் 'பந்தை நேராக ஸ்டம்ப்ஸை நோக்கி வேகமாக வீச வேண்டாம்' எனக் கூற அதைக் கவனிக்காமல் அதே போலவே பந்துவீசி ரன்களை வாரி இறைத்தார் ரெய்னா. இந்திய அணி அந்தப் போட்டியில் வென்றாலும் ரெய்னாவின் ஆட்டம் விமர்சனத்துக்குள்ளாகவே உள்ளது.
