திசையன்விளை=யில் தமிழக வெற்றிக்கழகம் சார்பில் இலவச மருத்துவ முகாம் நடந்தது.
திருநெல்வேலி தெற்கு மாவட்டம் திசையன்விளை நகர தமிழக வெற்றி கழகம் சார்பில் இலவச மருத்துவ முகாம் பால் சுகுமார் திருமண மண்டபத்தில் மாவட்ட மருத்துவர் அணி அமைப்பாளர் டாக்டர் எஸ்.கே.கிறிஸ்டோபர் தலைமையில் நடந்தது. திசையன்விளை நகர செயலாளர் கில்லி ராஜா அனைவரையும் வரவேற்றார்.நெல்லை தெற்கு மாவட்ட செயலாளர் எஸ்.ராஜகோபால் மருத்துவ முகாமை தொடங்கி வைத்தார். முகாமில் டாக்டர் எஸ்.கே.கிறிஸ்டோபர், டாக்டர் சி.இளவரசன், டாக்டர் பால சுகுமார், டாக்டர் பிச்சாஷிணி மீனா, டாக்டர் கமலா சங்கர், டாக்டர் விஜய பாரதி ஆகியோர் பயனாளிகளுக்கு மருத்துவ ஆலோசனை வழங்கினர். இலவசமாக மருந்து மாத்திரைகள் வழங்கப்பட்டன.இலவசமாக ரத்த பரிசோதனை, ரத்த அழுத்த பரிசோதனை செய்யப்பட்டது.மருத்துவ முகாமில் ஏராளமான பொதுமக்கள் கலந்து கொண்டு பயன் பெற்றனர்.
