ஜாக்டோ-ஜியோ போராட்டம் : விரைவில் நல்ல அறிவிப்பு வரும் -அமைச்சர் செங்கோட்டையன்!

அரசு ஊழியர்,ஆசிரியர் போராட்டம் குறித்து முதல்வர் பழனிச்சாமியுடன் பள்ளிக் கல்வி அமைச்சர் செங்கோட்டையன் அவசர ஆலோசனை நடத்தினார்.

சென்னை கிரீன்வேஸ் சாலை முதல்வர் இல்லத்தில் அமைச்சர் செங்கோட்டையன், கல்வித்துறை உயர் அதிகாரிகள் ஆலோசனை நடத்தினர். ஜாக்டோ-ஜியோ போராட்டத்தை முடிவுக்குக் கொண்டு வருவது குறித்தும், அவர்களின் கோரிக்கைகளில் நிறைவேற்றக் கூடியவை பற்றியும் முதல்வருடன் விவாதிக்கப்பட்டதாகத் தெரிகிறது.

முதல்வருடனான ஆலோசனை குறித்து அமைச்சர் செங்கோட்டையனிடம் கேட்டதற்கு, விரைவில் நல்ல அறிவிப்பு வரும் என்று ஒரே வரியில் பதில் சொல்லிவிட்டு கிளம்பினார்.