திமுக தலைவர் ஸ்டாலினுடன் தமிழக காங்கிரஸ் புதிய நிர்வாகிகள் சந்திப்பு!

தமிழக காங்கிரஸ் தலைவராக நியமிக்கப்பட்டுள்ள கே.எஸ்.அழகிரி மற்றும் செயல் தலைவர்கள் உள்ளிட்ட புதிய நிர்வாகிகள் திமுக தலைவர் மு.க.ஸ்டாலினை சந்தித்தனர்.

சென்னை அண்ணா அறிவாலயத்தில் தமிழக காங்கிரஸ் தலைவர் கே.எஸ் அழகிரி, செயல் தலைவர்கள் வசந்தகுமார், கே.ஜெயக்குமார், மயூரா ஜெயக்குமார், விஷ்ணுபிரசாத், மோகன் குமாரமங்கலம் ஆகியோர் மு.க.ஸ்டாலினுக்கு பொன்னாடை போர்த்தி வாழ்த்துப் பெற்றனர்.

பின்னர் அவர்களுடன் முக ஸ்டாலின் சிறிது நேரம் பேசினார். இச்சந்திப்பின் போது துரைமுருகன், டி.ஆர்.பாலு உள்ளிட்ட திமுக நிர்வாகிகள் உடனிருந்தனர்.