கேரளாவில் ராகுல் காந்திக்கு விஜய் ரசிகர்கள் ஆதரவு!
மக்களவைத் தேர்தலில் அமேதி மற்றும் வயநாடு ஆகிய இரண்டு தொகுதிகளில் காங்கிரஸ் தலைவர் ராகுல் காந்தி போட்டியிடுகிறார். 3ம் கட்ட தேர்தலில் கேரளா உள்ளிட்ட 14 மாநிலங்களில் தேர்தல் நடைபெறவுள்ளது.
இந்நிலையில், கேரளாவின் வயநாடு மக்களவைத் தொகுதியில் போட்டியிடும் காங்கிரஸ் தலைவர் ராகுல் காந்திக்கு வயநாடு நிலம்பூர் பகுதியில் இயங்கி வரும் நடிகர் விஜயின் மக்கள் இயக்கம் ஆதரவு தெரிவித்துள்ளது. வயநாட்டில் தேர்தல் பணியில் ஈடுபட்டு வரும் புதுச்சேரி அமைச்சர் நமச்சிவாயத்தை நேரில் சந்தித்து விஜய் மக்கள் இயக்கத்தினர் தங்களது ஆதரவை தெரிவித்துள்ளனர்.
முன்னதாக கன்யாகுமரியில் காங்கிரஸ் கட்சி வேட்பாளர் வசந்தகுமாருக்கு விஜய் மக்கள் இயக்க நிர்வாகிகள் சிலர் காசு வாங்கிக் கொண்டு ஆதரவு தெரிவித்த சர்ச்சை எழுந்த நிலையில், தற்போது, கேரள விஜய் ரசிகர்கள் ராகுல் காந்திக்கு ஆதரவு தெரிவித்துள்ளது குறிப்பிடத்தக்கது
ராகுல் காந்தியின் கனவு...! அண்ணனுக்கு ஆதரவாக பிரியங்கா...! பாஜக வியூகம்...! –வயநாடு தேர்தல் களம்