அம்மாவை வணங்காத உயிரில்லையே பிரபலங்கள் கொண்டாடிய அன்னையர் தினம்!

உலகம் முழுவதும் நேற்று மே 12ம் தேதி அன்னையர் தினம் கொண்டாடப்பட்டது. சமூக வலைதளங்களில் தங்கள் அம்மாக்களுடன் செல்ஃபிக்களை எடுத்துக் கொண்டு அன்னையர் தினம் கொண்டாடிய பிரபலங்களின் புகைப்படத் தொகுப்பை இங்கே காணலாம்.

அன்னையர் தினத்தை தனது அம்மா ராஜியுடன் கொண்டாடிய நடிகர் சிவகார்த்திகேயன் தனது அம்மா ராஜியுடன் செல்ஃபி எடுத்து மகிழ்ந்த தருணத்தை தனது ட்விட்டர் பக்கத்தில் பகிர்ந்துள்ளார்.

நடிகர் மாதவன் தனது அம்மா சரோஜாவுடன் எடுத்த பழைய செல்ஃபியை அன்னையர் தினத்தன்று தனது இன்ஸ்டாகிராமில் பதிவிட்டு, அன்னையர் தின வாழ்த்துகளை தெரிவித்தார்.

அயோக்யா படம் ரிலீசான சந்தோஷத்தின் இருக்கும் நடிகர் விஷால் தனது அம்மா ஜானகி தேவியுடன் அன்னையர் தினத்தைக் கொண்டாடினார்.

நடிகை ராஷி கண்ணா தனது அம்மா சரிதா கண்ணாவுடன் அன்னையர் தினம் கொண்டாடியது செல்ஃபி எடுத்து சமூக வலைதளத்தில் பதிவிட்டு மகிழ்ந்தார்.

நடிகை வரலட்சுமி சரத்குமார் தனது அம்மா சாயா சரத்குமாருடன் அன்னையர் தினத்தை கொண்டாடிய புகைப்படங்களை சமூக வலைதளத்தில் பதிவிட்டார்.

காஞ்சனா 3 படம் 150 கோடிக்கும் மேல் வசூலை ஈட்டியதால், சந்தோஷத்தில் இருக்கும் அந்த படத்தின் நாயகிகளில் ஒருவரான நடிகை வேதிகா தனது அம்மாவுடன் உணவு உண்ணும் செல்ஃபியை ஷேர் செய்துள்ளார்.

இயக்குநரும் நடிகர் ஜெயம் ரவியும் அண்ணனுமான மோகன் ராஜா தனது அம்மாவுடன் எடுத்துக் கொண்ட செல்ஃபியை பதிவிட்டு அன்னையர் தினத்தை கொண்டாடியுள்ளார்.

நடிகர் ராகவா லாரன்ஸ் தனது அம்மா கண்மணியை அன்னையர் தினத்தன்று பாடகியாக்கி அன்னையர் தினத்தை வேற லெவலில் கொண்டாடியுள்ளார்.

இதுபோல உலகில் உள்ள பல பிரபலங்கள் தங்கள் தாயுடன் அன்னையர் தினத்தை கொண்டாடி, அதன் புகைப்படங்களை பதிவிட்டு வருகின்றனர்.