இப்படியே போனா மொத்த படமும் லீக் ஆகிடும் கடுப்பான ரஜினி!

தர்பார் படத்தின் ஷூட்டிங் ஸ்பாட் வீடியோ தற்போது சமூக வலைதளங்களில் கசிந்து வைரலாகி வருகிறது. இதனால், ரஜினி உள்ளிட்ட படக்குழுவினர் பயங்கர அப்செட்டில் உள்ளனர்.

லைகா தயாரிப்பில் ஏ.ஆர். முருகதாஸ் இயக்கத்தில் ரஜினிகாந்த், நயன்தாரா நடிப்பில் உருவாகி வரும் படம் தர்பார். இந்த படம் அடுத்த ஆண்டு பொங்கலுக்கு வெளியாகும் என்ற அறிவிப்போடு படு பிசியாக படப்பிடிப்புகள் நடந்து வருகின்றன.

தேர்தலையொட்டி தர்பார் படப்பிடிப்புக்கு பிரேக் விட்டிருந்த நிலையில், தற்போது மீண்டும் ஷூட்டிங் தொடங்கி நடைபெற்று வருகிறது. மும்பையில் படப்பிடிப்புகள் நடத்தப்பட்ட போது, கல்லூரி மாணவர்கள் ஷூட்டிங் ஸ்பாட் புகைப்படங்களை தங்களது செல்போனில் படம் பிடித்து லீக் செய்தனர்.

அதனால், படப்பிடிப்பு தளத்தில் பாதுகாப்பு ஏற்பாடுகள் செய்யப்பட்டன. மேலும், படப்பிடிப்பு இடங்களும் மாற்றப்பட்டன. இந்நிலையில், மீண்டும் துவங்கப்பட்ட படப்பிடிப்பின் போது ரஜினிகாந்த், போலீஸ் காரில் இருந்து இறங்கி நடந்து வரும் காட்சி ஒன்று தற்போது இணையத்தில் கசிந்து வைரலாக பகிரப்பட்டு வருகின்றது.

அந்த காட்சியை மீடியாக்கள் பகிர வேண்டாம் என்று படக்குழு கேட்டுக் கொண்டது. மேலும், ரசிகர்களுக்கும் வேண்டுகோள் விடுத்துள்ளது. இப்படியே போனால், முழு படமும் இணையத்திலேயே வெளியாகிவிடும் என ரஜினிகாந்த் மற்றும் படக்குழுவினர் அப்செட்டாகி உள்ளனர்.