30க்கும் மேற்பட்ட தயாரிப்பாளர்கள் முக்கிய வேண்டுகோள்.. சினிமாவில் ஏற்பட்டுள்ள பேரிழப்பை சரி செய்ய ஆலோசனை..

தமிழ் திரைப்பட தயாரிப்பாளர்களுக்கு டி,சிவா தலைமையிலான 35 தயாரிப்பாளர்கள் கூட்டாக இணைந்து வேண்டுகோள் விடுத்துள்ளனர். அவர்கள் கூறியிருப்பதாவது: "கொரோனா வைரஸ்" தாக்கத்தால் ஊரடங்கு பாதிப்பினால் நமது தமிழ்த் திரைப்பட தயாரிப்பாளர்கள் மனரீதியாகவும், தொழில் ரீதியாகவும், பொருளாதார ரீதியாகவும் பாதிக்கப்பட்டுள்ளனர் என்பது அனைவரும் அறிந்ததே. நமது சங்கத்திற்குத் தேர்தல் தள்ளிப் போகக்கூடிய சூழ்நிலை உள்ளதால் இந்த நேரத்தை வீணாக்காமல் நல்ல விஷயங்களைப் பேசி தீர்வு காண்பதற்குப் பயன்படுத்திக் கொள்ள வேண்டும்.

தேர்தல் நேரத்தில் பல அணிகளாகப் பிரிந்தாலும் திரைத்துறையைச் சீர்தூக்கி நிலைநிறுத்தும் விஷயத்தில் நாம் அனைவரும் ஒரு அணியாக ஒருங்கிணைந்து செயல்பட்டுத் தீர்வு கண்டு அனைவருக்கும் ஒரு முன்னுதாரணமாகத் திகழ வேண்டும். நமக்கு உண்டான பிரச்சனையை நாமே ஒருங்கிணைந்து தீர்த்துக்கொள்ளப் போவதால் இதற்கு நீதிமன்றமோ, நீதிபதியோ, பதிவாளரோ மறுப்பு சொல்லப்போவதில்லை.

நமது சக உறுப்பினர்கள் திரைத்துறை சம்பந்தப்பட்ட பிரச்சனைகளை அரசாங்கத்திடமும் மற்றும் திரைப்பட நடிகர், நடிகைகள், தொழில் நுட்ப கலைஞர்கள், விநியோகதர்கள், திரையரங்கு உரிமையாளர்கள், பைனான்சியர்கள் கலந்து பேசி நமது திரைத்துறைக்கு ஏற்பட்டிருக்கும் பேரிழப்பைச் சரிசெய்து தமிழ் திரைத்துறையும் தயாரிப்பாளர்களும் மன நிம்மதியாகச் சிறப்பாகச் செயல் படத் தமிழ்த் திரைப்பட தயாரிப்பாளர்கள் சங்கத்தின் முன்னாள் தலைவர்களாகிய எஸ் ஏ சந்திரசேகர், எஸ் தாணு, கேயார், டிஜி தியாகராஜன், முரளிதரன் இவர்களுடன் மேலும் அனுபவம் வாய்ந்த 36 தயாரிப்பாளர்கள் அடங்கிய மொத்தம் 42 பேர் கொண்ட இந்த குழு திரைத்துறையில் அனைத்து துறைகளுடனும் கலந்து பேசி நல்லதொரு விடியலைத் தயாரிப்பாளர்களுக்கு ஏற்படுத்தித் தருவார்கள் என்ற நம்பிக்கையுடன் தயாரிப்பாளர்கள் அனைவரும் ஒருங்கிணைத்து கீழ்க்கண்ட குழுவுக்கு ஆதரவும், ஆலோசனைகளையும் நல்கி திரைத்துறை சீறும் சிறப்புமாக விளங்கிட நம் ஒத்துழைப்பினை நல்கிடுவோம்.

ஒன்றுபடுவோம்... உயர்ந்து நிற்போம்…இக்குழுவில் டி. சிவா, ௮ன்பு செழியன். ஐசரி கணேஷ், கமீலா நாசர், கதிரேசன், எடிட்டர் மோகன், ராதாகிருஷ்ணன், முரளி ராம நாராயணன், சிவசக்தி பாண்டியன். பி. எல். தேனப்பன், கே. பாலு, சித்ரா லட்சுமணன். சுபாஷ் சந்திரபோஸ், சந்திரபிரகாக்ஷ் ஜெயின், விஜய முரளி, சுந்தர். சி, கே. ராஜன், மாதேக்ஷ், எஸ். ஆர். பிரபு, விஜய குமார், ஞானவேல் ராஜா, அ௫ண் பாண்டியன், மைக்கேல் ராயப்பன், எல் ரெட் குமார், சீ. வி. குமார், மு௫கன், சுஜாதா விஜயகுமார், பாத்திமா விஜய் ௮ந்தோணி, KJR (ராஜேஷ்), ராஜா (2D), தி௫மலை, ஜபக், தமிழ் குமரன், கஜாலி, குமார் (சிவாஜி பிலிம்ஸ்),எம். கஃபார் ஆகியோர் இடம்பெற்றுள்ளனர்.