இந்தியன் 2 படத்தில் ஒரு பாடலுக்கு நடனமா..? கிளாமர் ஹீரோயின் பதில்..

இயக்குனர் ஷங்கர் படங்கள் பிரமாண்டத்துக்கு பெயர் பெற்றது போலவே பாடல் காட்சிகளுக்கும் புகழ் பெற்றது. இதற்காக மெனக்கெட்டு யாரும் செல்லாத நாடுகளுக்கு சென்றும், பிரமாண்ட அரங்குகள் அமைத்தும் படமாக்குவார். அதுவும் ஸ்பெஷல் பாடல் என்ற பெயரில் ஒரு பாடலுக்கு பிரபல ஹீரோயின்களை ஆட வைப்பார்.தற்போது கமல்ஹாசன் நடிப்பில் இந்தியன் 2ம் பாகத்தை இயக்கி வருகிறார்.

இதில் ஏற்கனவே காஜல் அகர்வால், ரகுல் ப்ரீத் என இரண்டு ஹீரோயின்கள் உள்ளனர். அவர்கள் போதாதென்று மற்றொரு நடிகையை ஸ்பெஷல் பாடலுக்கு ஆட வைக்க எண்ணி உள்ளாராம். அந்த பாடலில் பாயல் ராஜ்புத் ஆடவிருப்பதாக தகவல் பரவியது. இவர் தெலுங்கில் அஜய் பூபதி இயக்கத்தில் வெளியாகி ஹிட்டான ஆர் எக்ஸ் 100 படத்தில் கதாநாயகியாக நடித்தவர்.

இந்தியன் 2படத்தில் ஸ்பெஷல் பாடலுக்கு நடனம் ஆடுவதாகப் பரவிய தகவலுக்கு அவர் பதில் அளித்திருக்கிறார். இதுபற்றி பாயல் கூறும்போது, இந்தியன் 2ம் பாகம் படத்தில் நான் ஸ்பெஷல் நடனம் ஆடுவதாக வரும் தகவல்கள் உண்மை அல்ல. இதுவரை அப்படத்தரப்பிலிருந்து என்னை யாரும் அணுகவில்லை. இதுபோல் என்னைப்பற்றி எத்தனை வதந்திகள் பரவுகிறது என ஆண்டவனுக்குத் தான் தெரியும். கொரோனா ஊரடங்கில் வீட்டில் இப்போது ஜாலியாக பொழுதைக் கழித்து வருகிறேன் என்றார்.