பிரபாஸ் 3டி படத்தில் இணையும் கீர்த்தி சுரேஷ் பட ஒளிப்பதிவாளர்..

கீர்த்தி சுரேஷ் நடித்த படம் பெண்குயின். கார்த்திக் சுப்புராஜ் வழங்கக் கார்த்திகேயன் சந்தானம் , சுதன் சுந்தரம் ஜெயராம் தயாரித்திருந்த இந்தப் படத்தை ஈஸ்வர் கார்த்திக் இயக்கியிருந்தார். ஒடிடி தளத்தில் பெண்குயின் படம் வெளியாகி வரவேற்பைப் பெற்ற படம் 'பெண் குயின்'. திரில்லர் கதையான இதற்கு வித்தியாசமான கேமரா கோணங்களால் பரபரப்பு ஏற்படுத்தினார் ஒளிப்பதிவாளர் கார்த்திக் பழனி.

மலைகள், காடுகள் என கேமரா சுழன்று விளையாடியது பார்வையாளர்களைத் திகிலூட்டியதுடன் விமர்சகர்களால் பாராட்டப்பட்டது. தற்போது கார்த்திக் பழனி அடுத்த கட்ட முன்னெடுப்பில் அடிவைக்கிறார். பிரபாஸ் நடிக்கும் 3டி படத்தில் ஒளிப்பதிவாளராக கைகோர்த்திருக்கிறார். இந்தப் படம் ஒளிப்பதிவாளரானது தனது அடுத்த கட்டம் வளர்ச்சி என நம்பிக்கை தெரிவிக்கிறார் கார்த்திக் பழனி. பலரும் அவருக்குப் பாராட்டு தெரிவித்து வருகிறார்கள். 'ஆதிபுருஷ்' என்ற பெயரில் உருவாகும் இப்படத்தை ஓம் ராவத் இயக்குகிறார். 3டி தொழில் நுட்பத்தில் அதிக பொருட் செலவில் பிரம்மாண்ட தயாரிப்பாக இது உருவாகவிருக்கிறது.