அதிமுக அவைத் தலைவர் மதுசூதனன் உடல்நலக்குறைவால் மருத்துவமனையில் அனுமதி

அதிமுக அவைத்தலைவர் மதுசூதனன் உடல் நலக்குறைவு காரணமாக சென்னை அப்பல்லோ மருத்துவமனையில் அனுமதிக்கப்பட்டு சிகிச்சை பெற்று வருகிறார்.

ஆர்.கே.நகர் தொகுதி இடைத்தேர்தலில் அதிமுக சார்பில் போட்டியிட்டவர் அதிமுக அவைத்தலைவர் மதுசூதனன். முதல்வர் எடப்பாடி பழனிசாமிக்கும், துணை முதல்வர் ஓ.பன்னீர்செல்வத்துக்கும் ஆதரவாக உள்ள மதுசூதனன், முன்னாள் முதல்வர் ஜெயலலிதாவின் மறைவுக்கு பிறகு பல்வேறு யோசனைகளை வழங்கி வருபவர்.

இந்நிலையில், மதுசூதனனுக்கு நேற்று முன்தினம் இரவு, திடீரென உடல்நலக்குறைவு ஏற்பட்டுள்ளது. இதையடுத்து, மதுசூதனன் சென்னையில் உள்ள அப்பல்லோ மருத்துவமனையில் சேர்க்கப்பட்டார். அங்கு அவருக்கு தீவர சிகிச்சை அளிக்கப்பட்டு வருகிறது.

மேலும் பல செய்திகளுக்கு - thesubeditor.com