அண்ணாத்த அப்டேட் சீக்கிரம் வரும்.. தகவல் வெளியிட்ட முக்கிய நபர்..

கொரோனா லாக்டவுனுக்கு முன் ரஜினிகாந்த்தின் அண்ணாத்த படப்பிடிப்பு வேகமாக நடந்து வந்தது. மார்ச் மாதம் லாக்டவுன் அறிவித்த பிறகு ஒட்டு மொத்தமாக இப்படத்தின் படப்பிடிப்பு பாதிக்கப்பட்டது. ரஜினிகாந்த் கொரோனா ஊரடங்கில் வெளியில் எங்கும் வராமல் வீட்டுக்குள் முடங்கினார். 2 மாதத்துக்கு முன் கொரோனா தளர்வில் படப்பிடிப்பு தொடங்க அரசு அனுமதி அளித்தது. பல படப்பிடிப்புகள் தொடங்கி நடந்து வருகின்றன. ஆனால் அண்ணாத்த படப்பிடிப்பு தொடங்கவில்லை. படக்குழு படப்பிடிப்பை தொடங்க எண்ணி அதற்கான ஏற்படுகள் செய்த நிலையில் கொரோனா பாதிப்பு முழுவதுமாக குணம் ஆகும் வரையில் படப்பிடிப்பில் பங்கேற்க தயக்கம் காட்டினார் ரஜினிகாந்த். இதையடுத்து படப்பிடிப்பு திட்டம் தள்ளிவைக்கப்பட்டது. தற்போது, ​​அண்ணாத்தே குழுவின் முக்கிய உறுப்பினர் மகிழ்ச்சியான தகவல் பகிர்ந்திருக்கிறார். படம் குறித்த அப்டேட் மிக விரைவில் வெளிவரும் என்று அவர் தெரிவித்துள்ளார். இப்படத்தில் பணிபுரிபவர் எடிட்டர் ரூபன்.

இவரது பிறந்தநாளில் ரஜினிகாந்த் வாழ்த்தினார். இதுபற்றி வெளிப்படுத்திய ரூபன், பிறந்தநாள் வாழ்த்துக்கு பதிலளித்தார். "மிக்க நன்றி. சீக்கிரம் அண்ணாத்த அப்டேட் வரும்! நானும் அதற்காக மட்டுமே காத்திருக்கிறேன் " என தெரிவித்திருக்கிறார். ரூபனின் இந்த தகவல் ரஜினி ரசிகர்களைக் கொண்டாட வைத்துள்ளது. அண்ணாத்தே என்ற வார்த்தை சகோதரரைக் குறிக்கப் பயன்படுத்தப்படும் ஒரு ஸ்லாங் ஆகும், ரஜினி தனது முந்தைய படங்களில் அடிக்கடி இந்த வசனத்தை பயன்படுத்தியுள்ளார். குடும்ப பொழுதுபோக்கு அம்சமாக உருவாகும் இப்படம் ஒரு சகோதர சகோதரி உறவை மையமாகக் கொண்டது. மீனா, குஷ்பு, நயன்தாரா, கீர்த்தி சுரேஷ், பிரகாஷ் ராஜ், சூரி மற்றும் சதீஷ் ஆகியோரும் நடிக்கின்றனர், மேலும் டிஇம்மனின் இசையும் உள்ளது. சமீபத்தில், 69 வயதான சூப்பர் ஸ்டார் கோவிட் 19 வைரஸ் காலகட்டத்தில் அதிக ஆபத்து பிரிவில் இருப்பதால், படப்பிடிப்பு மீண்டும் தொடங்குவதற்கு முன்பு நிலைமை சிராக இருப்பதை உறுதி செய்ய குழு விரும்புகிறது.

உண்மையில், நீண்ட காலமாக எதிர் பார்க்கப்பட்ட அரசியல் கட்சியைத் தொடங்குவதற்கான ரஜினியின் திட்டங்கள் கொரோனா ஊரடங்கு பாதிப்பால் தொய்வடைந்துள்ளதாக ரஜினிகாந்த் வெளிப்படுத்தியிருந்தார், இதுகுறித்த கசிந்த கடிதத்தில் உடல்நிலை பற்றியும் எழுதப்பட்டிருந்தது. பிறகு, மருத்துவர்கள் ரஜினிக்கு அறிவுரை வழங்கியபடி அவர் கூட்டம் நிறைந்த பகுதிகளுக்கு செல்லக் கூடாது. சில ஆண்டுகளுக்கு முன்பு அவர் கிட்னி மாற்று அறுவை சிகிச்சைக்கு உட்படுத்தப்பட்டதால், கூட்டத்தை உள்ளடக்கிய இடங்களுக்கு செல்வதைத் தவிர்க்க வேண்டும். இல்லா விட்டால் இது அவருக்கு ஆபத்து என கடிதத்தில் கூறப்பட்டிருந்தது. ஆனால் அது தன்னுடைய கடிதம் இல்லை என்று ரஜினி தெரிவித்ததுடன் கடிதம் உண்மை இல்லை யென்றாலும் எனது உடல் நிலை குறித்த தகவல்கள் உண்மைதான் என்று ரஜினிகாந்த் பின்னர் தெளிவு படுத்தினார்.