விழிஞ்சம் துறைமுக சரக்குக் கப்பல் விபத்து: விரைந்த நெல்லை தேசிய பேரிடர் மீட்புப்படை

கேரள மாநிலம் விழிஞ்சம் துறைமுகத்தில் சரக்குக் கப்பல் கவிழ்ந்தது. இதையடுத்து, மீட்புப் பணிகளுக்கு உதவ திருநெல்வேலி மாவட்டம் ராதாபுரம் முகாமில் இருந்து தேசிய பேரிடர் மீட்புப் படையினர் (NDRF) விரைந்துள்ளனர்.*

ராதாபுரம் முகாமில் இருந்து ஆய்வாளர் கலையரசன் தலைமையில் 30 பேர் கொண்ட தேசிய பேரிடர் மீட்புப் படையின் சிறப்பு குழு சென்றுள்ளது.

விழிஞ்சம் துறைமுகத்தில் சரக்குக் கப்பல் கவிழ்ந்ததில் ஏற்பட்ட சேதங்கள் மற்றும் உயிரிழப்புகள் குறித்த தகவல்கள் இன்னும் முழுமையாக வெளியாகாத நிலையில், மீட்புப் பணிக்கான தேவையை கருத்தில் கொண்டு இந்த குழு அனுப்பப்பட்டுள்ளது.

வெள்ளம், புயல், நிலநடுக்கம் போன்ற பேரிடர் காலங்களில் மீட்புப் பணிகளில் ஈடுபடும் அனுபவம் கொண்ட தேசிய பேரிடர் மீட்புப் படையினர், கப்பல் விபத்துகளிலும் சிக்கியவர்களை மீட்பதில் சிறப்புப் பயிற்சி பெற்றவர்கள் என்பது குறிப்பிடத்தக்கது.

இந்த குழு, விபத்து நடந்த இடத்தில் மீட்புப் பணிகளை ஒருங்கிணைத்து, சிக்கியவர்களை மீட்கும் முயற்சியில் ஈடுபடும் என எதிர்பார்க்கப்படுகிறது.