40 நாட்களாக வேலையின்றி தவிப்பு பஞ்சாயத்து தலைவர், கிளார்க் மீது நரிமேடு மக்கள் புகார்

திருநெல்வேலி மாவட்டம், மாஞ்சலூர் வட்டத்திலுள்ள   நரிக்குடி பஞ்சாயத்தைச் சேர்ந்த மக்கள் இன்று (நவ .17) 100 நாள் வேலை திட்டத்தின்கீழ் கடந்த 40 நாட்களாக தங்களுக்கு பணி வழங்கப்படாததைக் கண்டித்து மாவட்ட ஆட்சியரிடம் விரிவான புகார் மனு அளித்துள்ளனர்.

மனுவில் கூறியிருப்பதாவது, 

40 நாள் வேலை மறுப்பு:  எங்கள் நரிக்குடி பஞ்சாயத்தில் கடந்த சுமார் 40 நாட்களுக்கும் மேலாக 100 நாள் வேலை உறுதித் திட்டத்திற்கான பணி  வழங்கப்படவில்லை. இதனால் எந்தவித வருமானமும் இல்லாமல்  நாங்கள் மிகவும் கஷ்டப்பட்டு வருகிறோம். 

* முறைகேடு குற்றச்சாட்டு: பஞ்சாயத்து தலைவர், கிளார்க் மற்றும் மக்கள் நலப் பணியாளர்கள் ஆகியோர் கூட்டு சேர்ந்து, ஒரு குறிப்பிட்ட சில பகுதிகளுக்கு மட்டும் வேலை வழங்கி வருவதாகவும், எங்கள் பகுதி மக்களைப் புறக்கணிப்பதாகவும் குற்றம் சாட்டியுள்ளனர்.

*   வீணாகும் பொதுப்பணி: வேலை வழங்குவதற்கு ஏதுவாக எங்கள் கிராமத்தில் மூன்று பொதுக் குளங்கள் மற்றும் ஒரு ஊரணி ஆகியவை உள்ளன. ஆனால், அவற்றைச் சீரமைக்கும் பணிகளை மேற்கொள்ளாமல், அதிகாரிகள் வேண்டுமென்றே புறக்கணிக்கின்றனர்.

*  120 அட்டைதாரர்கள்: நரிக்குடி மற்றும் நடுசுகுடி பகுதியைச் சேர்ந்த கிராமத்தில் மட்டும் சுமார் 120 வேலை அட்டைதாரர்கள் உள்ளனர். இவர்கள் அனைவரும் வேலை இல்லாமல் தவித்து வருகின்றனர்.

எனவே, திருநெல்வேலி மாவட்ட ஆட்சியர் அவர்கள் இந்தப் புகார் குறித்து நேரடியாக எங்கள் கிராமத்திற்கு வந்து கள ஆய்வு மேற்கொள்ள வேண்டும். மேலும், பஞ்சாயத்து நிர்வாகம் மீதான குற்றச்சாட்டுகளை விசாரித்து, முறைகேடு செய்தவர்கள் மீது நடவடிக்கை எடுக்க வேண்டும். அத்துடன், மற்றவர்களின் தலையீடு இல்லாமல்  உடனடியாக  100 நாள் வேலை வழங்க ஆவன செய்ய வேண்டும் என்றும் கேட்டுக்கொள்ளப்பட்டுள்ளது.