ராணுவ வீரர்கள், விவசாயிகளுக்கு ரூ.2 கோடி நிதி உதவி: அமிதாப்பச்சன்
By Isaivaani
நாட்டை காக்கும் பணியில் ஈடுபட்டு உயிரை விட்ட ராணுவ வீரர்களின் குடும்பத்திற்கு மரியாதை செலுத்தும் வகையிலும், இறந்த ராணுவ வீரர்களின் விதவை மனைவிகள் பலன் அடையும் வகையிலும் 1 கோடி ரூபாய் நிதி உதவி அளித்துள்ளார் நடிகர் அமிதாப்பச்சன்.
மேலும் கடன் தொல்லையால் அவதி பட்டு வரும் விவசாயிகள் வாங்கிய கடனை திருப்பி செலுத்தும் வகையில் 1 கோடி ரூபாய் என மொத்தம் 2 கோடி ரூபாய்களை நிதி உதவியாக அளித்துள்ளார் என்ற செய்தி தற்போது உண்மையாகியுள்ளது. இதனை, தனது அதிகாரபூர்வ ட்விட்டர் பக்கத்தில் பதிவு செய்துள்ளார் அமிதாப்.
அதில், "ஆம் என்னால் முடியும். நான் செய்வேன்" என்று ட்விட்டரில் பதிவிட்டுள்ளார்.
நடிகர்கள் பலர் இப்படி சமூக பிரச்சனைகளுக்கு உதவி செய்கிறேன் என்று ஒரு விளம்பரத்திற்கு கூறுவார்கள் என்று பல ஊடகங்கள் கூறிவந்தன. ஆனால் அமிதாப் அதனை உடைத்தெறிந்து எனக்கும் சமூகம் சார்ந்த பொறுப்புகளும் அக்கறையும் உள்ளது என்று நிரூபித்திருக்கிறார்.
நிதி உதவி வழங்கி, சமூக ஆர்வலர்களிடையே வரவேற்பையும் நன் மதிப்பையும் பெற்றுள்ளார் அமிதாப்.