இளைய தளபதி பிறந்தநாள் அன்று ரசிகர்களுக்கு இன்பதிர்ச்சி..
By Isaivaani
விஜயின் 62வது படம் தீபாவளி வெளியீடாக வெளிவரவுள்ளது. 3வது முறையாக இயக்குனர் ஏ.ஆர்.முருகதாசுடன் விஜய் இணைந்திருக்கும் இப்படம் விஜய் 62 என்று பிரபலமாகியது. சன் பிக்சர்ஸ் தயாரிக்கும் இப்படத்தின் முதற்கட்ட படப்பிடிப்பு விறுவிறுப்பாக சென்னையில் படமாக்கப்பட்டது. இரண்டாம் கட்ட படப்பிடிப்பு அமெரிக்காவில் நடக்கவுள்ளது.
பெயரிடப்படாத இப்படத்தின் கரு தற்போதைய அரசியல் சூழல் மற்றும் சமூக பிரச்சனைகளை சார்ந்ததாக இருக்கும் என்று எதிர்பார்க்கப்படுகிறது. படத்தில் முக்கிய கதாபாத்திரத்தில் நடிகை வரலட்சுமி நடிக்கிறார். மேலும் அரசியல் தலைவர்களாக பழ.கருப்பையா, ராதாரவி போன்ற முக்கிய பிரமுகர்கள் நடிக்கிறார்கள். இரண்டாவது முறையாக விஜய்க்கு ஜோடியாக கீர்த்தி சுரேஷ் நடித்து வருகிறார்.
இளைய தளபதி விஜயின் பிறந்தநாளை முன்னிட்டு விஜய் 62 படத்தின் பெயர் மற்றும் பர்ஸ்ட் லுக் ஜூன் 21 வியாழன் அன்று மாலை 6 மணி அளவில் வெளியிடுகிறது சன் பிக்சர்ஸ் நிறுவனம்.
ஏற்கனவே ஸ்டெர்லைட் பிரச்சனை காரணமாக தனது பிறந்தநாளை கொண்டாட வேண்டாம் என ரசிகர்களுக்கு அன்பு கட்டளையிட்டுருக்கிறார் தளபதி விஜய். இந்நிலையில் தற்போது விஜய் பிறந்தநாள் ஒரு நாளைக்கு முன்னதாகவே விஜய் 62 படத்தின் பெயரை வெளியிட்டு பிறந்தநாள் பரிசாக விஜய் ரசிகர்களுக்கு சன் பிக்சர்ஸ் நிறுவனம் அளிக்கவுள்ளது.