தனுஷின் வடசென்னை படம் ரிலீஸ் தேதி எப்போது?

தனுஷ் நடித்துள்ள வடசென்னை படம் ரிலீஸாகும் தேதி அதிகாரப்பூர்வமாக அறிவிக்கப்பட்டுள்ளது.

விசாரணை படத்திற்கு பிறகு இயக்குனர் வெற்றிமாறன் இயக்கத்தில் நீண்ட வருடங்களாக உருவாகி வந்த படம் 'வட சென்னை'. சமீபத்தில் படத்தின் டீஸர் வெளியாகி நல்ல வரவேற்பை பெற்றது. இந்நிலையில் தற்போது இந்த படத்தின் ரிலீஸ் தேதியை நடிகர் தனுஷ் அதிகாரபூர்வமாக அறிவித்துள்ளார். அக்டோபர் 17 ஆம் தேதி இந்த படம் திரைக்கு வர இருக்கிறது.

இந்த படத்தில் தனுஷ் அன்பு என்ற கதாபாத்திரத்தில் நாயகனாக நடித்துள்ளார். பொல்லாதவன், ஆடுகளம் படங்களுக்கு பிறகு தனுஷ்- வெற்றிமாறன் கூட்டணி மீண்டும் வடசென்னை படத்தில் இணைந்துள்ளது.

இந்த கூட்டணியில் சமுத்திரக்கனி, அமீர், டேனியல் பாலாஜி, ஆண்ட்ரியா, ஐஸ்வர்யா ராஜேஷ், கிஷோர், கருணாஸ், பவன் உள்ளிட்ட பல முன்னணி நடிகர்கள் நடித்துள்ளனர். மேலும் தனுஷின் வுண்டர்பார் பிலிம்ஸ் நிறுவனத்தின் தயாரிப்பில் சந்தோஷ் நாராயணன் இசை அமைத்துள்ளார்.

இந்தப் படத்தின் டீஸர், ஜூலை 28ஆம் தேதி வெளியானது. டீஸரைப் பலரும் பாராட்டிவரும் நிலையில், தனுஷ் ரசிகர்கள் மத்தியில் வடசென்னை படம் பெரும் எதிர்பார்ப்பை ஏற்படுத்தியுள்ளது.