தீபாவளி ஸ்பெஷல் : சுலபமான சுவைமிக்க மாலாடு
எத்தனையோ வகையான இனிப்பு பலகாரங்களை தீபாவளி அன்று செய்து மகிழ்ந்திருப்பீர்கள். ஆனால் இந்த பலகாரம் செய்வது மிகவும் எளிது. அதோடு இதற்காக செய்யும் நேரமும் குறைவு அதுமட்டுமின்றி ஊட்டச்சத்து நிறைந்தது. கண்டிப்பா இந்த தீபாவளிக்கு செஞ்சு பார்த்து சொல்லுங்க.
தேவையானவை:
பொட்டுக்கடலை- 1 டம்ளர்
சர்க்கரை(சீனி)- 2 டம்ளர்
நெய்- 3/4 டம்ளர்
ஏலக்காய்த் தூள்- 1/2 தேக்கரண்டி
உடைத்து வறுத்த முந்திரிப்பருப்பு- 2 தேக்கரண்டி
செய்முறை:
பொட்டுக்கடலையையும் சீனியையும் மையாகத் திரித்துக் கொள்ளவும். நெய்யில் வறுத்த உடைத்த முந்திரிப்பருப்பையும் ஏலக்காய்த்தூளையும் மாவில் சேர்க்கவும். நெய்யைச் சூடாக்கி மாவுடன் கலந்து உருண்டைகள் பிடிக்க சுவையான சத்தான மாலாடு தயார். பொடியைத் திரித்துத் தயாராக வைத்திருந்தால் விரைவில் மாலாடுகளைச் செய்ய முடியும்.