தீபாவளி ஸ்பெஷல் :காரமான வேர்க்கடலை முறுக்கு

இந்த தீபாவளிக்கு காரசாரமான வேர்க்கடலை முறுக்கு செய்து சுவைத்திடுங்கள்.

தேவையான பொருட்கள்:

அரிசி மாவு    -   1/2 கிலோ.

கடலை மாவு  -   1/4 கிலோ.

வேர்க்கடலை பொடி  -  1/4 கிலோ.

மிளகாய்த்தூள், உப்பு  -  தேவைக்கேற்ப.

எள், எண்ணெய்   - தேவையான அளவு.

செய்முறை:

ஒரு அகன்ற பாத்திரத்தில் உப்பு, மிளகாய்த்தூள், எள், அரிசி மாவு, கடலை மாவு, வேர்க்கடலைப் பொடி என அனைத்தையும் ஒன்றாக கலந்து தண்ணீர் விட்டு கெட்டியாகப் பிசையவும். அவை அதிகம் தளர்வாக இல்லாதவாறு பார்த்துக்கொள்ளவும்.

கடாயில் எண்ணெய் காயவைத்து, பிசைந்து வைத்துள்ள மாவை, முள்ளு முறுக்கு அச்சில் போட்டு முறுக்குகளாக பிழிந்து, இருபுறமும் வெந்ததும் எடுத்து பரிமாறவும்.

சுவையான வேர்க்கடலை முறுக்கு தயார்.