25 மெகாபிக்ஸல் செல்ஃபி கேமராவுடன் மிரள வைக்கும் வசதிகளுடன் களமிறங்கும் ரியல்மீ யூ1

புகைப்படம் எடுப்பதற்கு முக்கியத்துவம் கொடுக்கும் செல்போனை ரியல்மீ நிறுவனம் தனது யூ- இந்தியாவில் அறிமுகம் செய்துள்ளது.

சீன நிறுவனமான ஆப்போவின் துணை நிறுவனமான ரியல்மீ கடந்த செப்டம்பர் மாதம் ரியல்மீ- 2 ப்ரோ மற்றும் ரியல்மீ -சி1 செல்போன்களை அறிமுகம் செய்தது. தற்போது Helio P70 SoC கொண்ட செல்போன் ரியல்மீ - யூ1 அறிமுகம் செய்யப்பட்டுள்ளது.

டிசம்பர் 5ம் தேதி நண்பகல் 12 மணியிலிருந்து அமேசான் இந்தியா இணையதளம் மூலம் இதை வாங்க முடியும்.

ரியல்மீ யூ1 சிறப்பம்சங்கள்:தொடுதிரை: 6.3 அங்குலம் FHD; 1080X2340 பிக்ஸல் தரம்; எல்சிடி வகை; கொரில்லா கிளாஸ்

ஒளிரும் அளவு: 450 நிட்ஸ்

பிராசஸர்: ஆக்டா கோர் மீடியாடெக் ஹீலியோ P70 SoC

முன்பக்க காமிரா: 25 மெகாபிக்ஸல் சோனி IMX576 சென்ஸார்; புகைப்படம் எடுக்கப்படும் பொருளுக்கு பின்புறத்தில் பிரகாசமான ஒளி தெரிந்தாலும் தரமாக எடுக்கக்கூடிய வசதி (Backlight mode) கொண்டது.

பின்பக்க காமிரா: 13 மெகாபிக்ஸல் மற்றும் 2 மெகாபிக்ஸலுடன் எல்இடி பிளாஷ் கொண்ட இரண்டு காமிராக்கள் உள்ளன. முகத்தை கொண்டு செல்போனை இயக்க அனுமதி கொடுக்கும் செயற்கை நுண்ணறிவு (AI) வசதி இருக்கிறது. பின்பக்கத்தில் விரல் ரேகை மூலம் கடவுச்சொல் அமைத்துக் கொள்ளலாம்.

சேமிப்பளவு: 32 ஜிபி மற்றும் 64 ஜிபி சேமிப்பளவுகளில் கிடைக்கிறது. 256 ஜிபி வரைக்கும் சேமிப்பளவை எஸ்டி கார்டு மூலம் அதிகரித்துக் கொள்ள முடியும்.

மின்கலம்: 35000 mAh

அளவு: 157X74X8 மி.மீ.

எடை: 168 கிராம்

விலை: 3 ஜிபியுடன் 32 ஜிபி சேமிக்கும் திறன் கொண்ட செல்போன் ரூ. 11,999 மற்றும் 4 ஜிபியுடன் 64 ஜிபி சேமிப்பளவு கொண்ட செல்போன் ரூ. 14,499 கிடைக்கும். எஸ்.பி.ஐ. வங்கி அட்டைகளை பயன்படுத்தி வாங்குவோருக்கு 5 விழுக்காடு கேஷ்பேக் வசதி உண்டு. மாதாந்திர தவணை மற்றும் ஜியோவின் 5,750 ரூபாய் வரையிலான பண பலன்களும் ஜியோவின் 4ஜி தரத்திலான 4.2 டிபி டேட்டாவும் கிடைக்கும்.