பிராந்தி வாங்கினால் 3 பாட்டில்.. பீர் வாங்கினால் 6 பாட்டில்.. ஆந்திர அரசு கட்டுப்பாடு அமல்

by எஸ். எம். கணபதி, Sep 28, 2019, 14:49 PM IST

ஆந்திராவில் ஒருவருக்கு விற்கப்படும் மதுபான பாட்டில்களின் எண்ணிக்கையை அம்மாநில அரசு குறைத்துள்ளது. அதாவது, பிராந்தி, விஸ்கி என்றால் 3 பாட்டில்கள், பீர் என்றால் 6 பாட்டில்கள் மட்டுமே ஒருவருக்கு விற்கப்படும்.

ஆந்திராவில் விஸ்கி, பிராந்தி, ஜின் போன்ற இந்தியாவில் தயாராகும் அயல்நாட்டு மதுபானங்கள்(ஐ.எம்.எப்.எல்) விற்பனை கடைகளை தனியாரே நடத்தி வருகின்றனர். அம்மாநிலத்திலும் கேரளா, தமிழ்நாடு போல்் குடி மக்களின் எண்ணிக்கை நாளுக்கு நாள் பெருகி வருவதால், மதுபானங்களின் விற்பனையை கட்டுப்படுத்த மாநில அரசு நடவடிக்கை எடுத்து வருகிறது.

அதிலும். சமீபத்தில் பதவியேற்றுள்ள முதல்வர் ஜெகன்மோகன் ரெட்டி, ஏற்கனவே தேர்தல் பிரச்சாரத்தின் போது விரைவில் மதுவிலக்கு அமல்படுத்தப்படும் என்று வாக்குறுதி கொடுத்திருந்தார். அதனால், தற்போது அவரது ஒய்.எஸ்.ஆர்.காங்கிரஸ் அரசு புதிய உத்தரவை பிறப்பித்துள்ளது. கலால் துறை கூடுதல் செயலாளர் சாம்பசிவ ராவ் இந்த உத்தரவை பிறப்பித்திருக்கிறார்.

அதன்படி, ஒருவர் மதுபானக் கடைக்கு சென்று பிராந்தி, விஸ்கி போன்றவை வாங்கினால் அதிகபட்சமாக 3 பாட்டில்கள் மட்டுமே தரப்படும். அதுவே பீர் என்றால் 6 பாட்டில்கள் வாங்கிக் கொள்ளலாம். இது வரை, பிராந்தி, விஸ்கி என்றால், 6 பாட்டில்களும், பீர் என்றால் 12 பாட்டில்களும் வாங்க அனுமதிக்கப்பட்டு வந்தது. பிராந்தி, விஸ்கி போன்றவை குவார்ட்டர் என்றாலும் புல் என்றாலும் பாட்டில் எண்ணிக்கை கணக்குதான்.
இந்த கட்டுப்பாட்டை அமல்படுத்துவது சாத்தியமா என்று கலால்துறை அதிகாரிகளிடம் கேட்ட போது, ஓரளவுக்கு சாத்தியமாகிறது.

இந்த விதிப்படி ஒருவர் காலையில் 3 பாட்டில்கள் வாங்கி விட்டு, அதில் ஒன்றை குடித்து விட்டிருந்தால் மீண்டும் சென்று ஒரு பாட்டில் வாங்கிக் கொள்ளலாம். அதாவது, எப்போது ஒருவரை சோதனையிட்டாலும் 3 பாட்டில் அளவுக்கு மேல் வைத்திருந்தால் வழக்கு போடப்படும். இதில் ஓரளவுக்கு குடிப்பது குறைக்கப்படும்.

மேலும், புதிய அரசு பொறுப்பேற்ற பிறகு 20 சதவீத மதுபானக் கடைகளை குறைத்திருக்கிறோம். அடுத்த கட்டமாக, தமிழகத்தில் அரசு நிறுவனமான டாஸ்மாக் நிறுவனமே சில்லரை மதுபானக் கடைகளை நடத்துவதுபோல், ஆந்திராவிலும் அரசே நேரடியாக சில்லரை மதுபானக் கடைகளை நடத்த முடிவு செய்யப்பட்டுள்ளது. அனேகமாக, அக்டோபர் முதல் அது அமல்படுத்தப்படும் என்று தெரிவித்தார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST