எடியூரப்பா மகன் ஊழல்.. கர்நாடக பாஜக தள்ளாட்டம்

by எஸ். எம். கணபதி, Sep 15, 2019, 13:22 PM IST

கர்நாடகா பாஜக அரசில் உயர் அதிகாரிகளிடம் லஞ்சம் வாங்கிக்கொண்டு பணிமாற்றங்களை செய்வதாக குற்றச்சாட்டு எழுந்துள்ளது. முதல்வர் எடியூரப்பாவின் மகன் விஜயேந்திரா மீது எழுந்துள்ள இந்த குற்றச்சாட்டு தொடர்பாக அமித்ஷாவுக்கு புகார் சென்றுள்ளது.

கர்நாடகாவில் குமாரசாமி ஆட்சியைக் கவிழ்த்து விட்டு பாஜக ஆட்சியைப் பிடித்தது. முதல்வராக எடியூரப்பா பொறுப்பேற்றார். இந்நிலையில், பாஜக கட்சிக்குள்ளேயே அவருக்கு எதிர்ப்பு கிளம்பி வருகிறது. மேலும், முன்னாள் மத்திய அமைச்சர் எஸ்.எம்.கிருஷ்ணாவின் மருமகனும், தொழிலதிபருமான சித்தார்த்தா, வருமானவரித் துறையினரின் துன்புறுத்தலால் தற்கொலை செய்தது, முன்னாள் காங்கிரஸ் அமைச்சர் சிவக்குமாரை கைது செய்தது போன்ற விஷயங்களால், அம்மாநிலத்தில் பெரிய ஜாதியாக உள்ள ஒக்கலிகர்களிடையே எதிர்ப்பை ஏற்படுத்தியுள்ளது. ஒக்கலிகர் சங்கங்கள், மைசூரு மண்டலத்தில் பெரிய போராட்டங்களை நடத்தி வருகின்றனர்.

இந்நிலையில், எடியூரப்பாவுக்கு இன்னொரு தலைவலி ஏற்பட்டுள்ளது. அதாவது, சமீபத்தில் பெங்களூருவில் ஒரு முக்கியப் பதவிக்கு ஒரு ஐ.ஏ.எஸ். அதிகாரி நியமிக்கப்பட்டார். ஆனால், அது 2 நாள் நிறுத்தி வைக்கப்பட்டது. இதற்கு காரணம், டம்மிப் பதவியில் இருந்த அந்த அதிகாரி, முக்கியப் பதவியை பிடித்ததற்கு எடியூரப்பாவின் மகன் விஜயேந்திராவுக்கு லஞ்சம் தர வேண்டியிருந்ததாகவும், அதை கொடுத்த பின்பு அந்த உத்தரவு செயல்படுத்தப்பட்டது என்றும் குற்றச்சாட்டு எழுந்தது. மேலும், ஐ.ஏ.எஸ், ஐ.பி.எஸ் அதிகாரிகளின் பணிமாற்றத்தை விஜயேந்திராவே மேற்கொள்வதாகவும் கூறப்பட்டது.

இது தொடர்பாக அமைச்சர்களுக்கு இடையே புகைச்சல் ஏற்பட்டிருப்பதாகவும், ஊழல் எதிர்ப்பு இயக்கம் ஒன்றும், இது பற்றி அமித்ஷாவுக்கு புகார் அனுப்பியுள்ளதாகவும் தகவல்கள் வெளியாகியுள்ளன. இது பற்றி முன்னாள் முதல்வர் குமாரசாமி கூறுகையில், உயர் அதிகாரிகள் பணிமாற்றத்தை எடியூரப்பாவின் மகன் விஜயேந்திராவே மேற்கொள்கிறார். இதில் பல முறைகேடுகள் நடைபெறுகிறது என்றார்.

இந்த புகார்களை விஜயேந்திரா மறுத்துள்ளார். அவர் ட்விட்டரில் வெளியிட்ட பதிவில், வேண்டுமென்றே சிலர் என் மீது அவதூறாக குற்றம்சாட்டி வருகின்றனர். எனது அரசியல் வளர்ச்சியைத் தடுக்க சில சக்திகள் முயற்சி செய்து வருகின்றன என்று கூறியுள்ளார்.


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Crime News