நாளை 6ம் கட்ட வாக்குப்பதிவு எத்தனை தொகுதிகளுக்கு தேர்தல் நடக்கிறது தெரியுமா?

by Mari S, May 11, 2019, 18:11 PM IST

மொத்தம் 7 கட்டங்களாக நடைபெற்று வரும் மக்களவைத் தேர்தல் இறுதிக்கட்டத்தை நெருங்கிக் கொண்டிருக்கிறது. நாளை மே 12ம் தேதி நடைபெறவுள்ள ஆறாம் கட்ட தேர்தலில் 7 மாநிலங்களில் உள்ள 59 தொகுதிகளுக்கான வாக்குப்பதிவு நடைபெறுகிறது.

இந்தியாவை அடுத்து ஐந்து ஆண்டுகளுக்கு ஆளப் போகிறது யார் என்று தீர்மானிக்கும் மக்களவைத் தேர்தல் ஏப்ரல் 11ம் தேதி தொடங்கி 7 கட்டங்களாக நடைபெற்று வருகின்றன.

நாளை ஆறாம் கட்ட வாக்குப்பதிவு பீகார், ஹரியானா, ஜார்கண்ட், மத்திய பிரதேசம், உத்தர பிரதேசம், மேற்கு வங்கம் மற்றும் டெல்லி ஆகிய 7 மாநிலங்களில் நடைபெறுகிறது.

பீகார் மாநிலத்தில் உள்ள வால்மீகி நகர், பஸ்சிம் சம்பரன், பூர்வி சம்பரன், ஷியோஹர், வைஷாலி, கோபால்கஞ்ச், சீவான், மகாராஜ்கஞ்ச் ஆகிய 8 மக்களவைத் தொகுதிகளுக்கும் நடக்கிறது.

ஹரியானாவில் உள்ள அம்பாலா, குருஷேத்ரா, சிர்ஸா, ஹிசர், கர்னல், சோனிபட், ரோடாக், பிவானி, குர்கான், ஃபரிதாபாத் என 10 தொகுதிகளுக்கு தேர்தல் நடக்கிறது.

ஜார்கண்டில் உள்ள கிரிதி, தன்பாத், ஜம்ஷத்பூர், சிங்பம் என்ற 4 தொகுதிகளுக்கும் நாளை தேர்தல் நடக்கிறது.

மத்திய பிரதேச மாநிலத்தில் உள்ள 8 மக்களவைத் தொகுதிகளான மொரினா, பிந்த், குவாலியர், குணா, சாகர், விதிஷா, போபால், ராய்கார் தொகுதிகளுக்கும் நாளை வாக்குப்பதிவு நடக்கிறது.

இதேபோல உத்தரபிரதேசத்தில் உள்ள சுல்தான் பூர், பிரதாப்கர், புல்புர், அலகாபாத், அம்பேத்கார் நகர், சரஸ்வதி, தோமரியாகஞ்ச், பாஸ்தி, சாண்ட் கபீர் நகர், லால்கஞ்ச், அஜாம்நகர், ஜான்பூர், மச்லிசாஹர் மற்றும் பாதோகி என 14 மக்களவைத் தொகுதிகளுக்கு தேர்தல் நடக்கிறது.

மேற்குவங்கத்தில் உள்ள தம்லக், கந்தி, காடல், ஜார்கிராம், மெதினிபூர், புருளியா, பன்குரா, பிஷ்னாபூருக்கும், டெல்லியில் உள்ள சாந்தினி சவுக், வடகிழக்கு டெல்லி, கிழக்கு டெல்லி, புது டெல்லி, வடமேற்கு டெல்லி, மேற்கு டெல்லி மற்றும் தெற்கு டெல்லி என 7 மக்களவைத் தொகுதிகளுக்கும் நாளை வாக்குப்பதிவு நடைபெற உள்ளது.

சமாஜ்வாதியின் அகிலேஷ் யாதவ், பிராக்யா தாக்கூர், திக்விஜய் சிங், மேனகா காந்தி, பூபேந்தர் ஹூடா உள்ளிட்ட பிரபல வேட்பாளர்களுக்கான தேர்தல் நாளை நடைபெற இருப்பதால், அரசியல் களம் சூடுபிடித்துள்ளது.


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST