கொல்கத்தாவில் வித்யாசாகர் சிலை உடைப்பு ..! பாஜகவுக்கு எதிர்ப்பு ..! திரிணமுல்,மார்க்சிஸ்ட் கட்சியினர் போராட்டம்

by Nagaraj, May 15, 2019, 14:51 PM IST

மே.வங்கத்தில் இறுதிக்கட்ட தேர்தல் நெருக்கத்தில் வன்முறை, மோதல் சம்பவங்களால் பதற்றம் அதிகரித்துள்ளது. மம்தா அரசின் பல்வேறு தடைகளை தகர்த்து, பாஜக தேசியத் தலைவர் அமித் ஷா நடத்திய பிரச்சாரப் பேரணியில் வன்முறை வெடித்து கொல்கத்தா நகரம் கலவர பூமியாக காட்சியளிக்கிறது. மே.வங்கத்தின் மறுமலர்ச்சிக்காக பாடுபட்ட வங்கத்தின் தந்தை என போற்றப்படும் பண்டிட் சந்திர வித்யாசாகரின் சிலையை சேதப்படுத்திய பாஜகவினருக்கு எதிராக திரிணமுல் மற்றும் மார்க்சிஸ்ட் கட்சியினரும் ஒன்று திரண்டு போராட்டத்தில் ஈடுபட்டுள்ளதால் கொல்கத்தாவில் பதற்றம் நீடிக்கிறது.

மே.வங்க மாநிலத்தில் பாஜகவை எப்படியாவது காலூன்றச் செய்து விட வேண்டும் என அக்கட்சி இந்தத் தேர்தலில் பல்வேறு வியூகங்களை வகுத்து செயல்படுகிறது. இதற்கு திரிணாமுல் கட்சித் தலைவரும் மே.வங்க முதல்வருமான மம்தா பானர்ஜி தடைகளை போடுவதால் கடந்த 2 மாதங்களாகவே மே.வங்கத்தில் பதற்றமான சூழல்தான் நிலவி வருகிறது.

பிரதமர் மோடியும், பாஜக தலைவர் அமித் ஷாவும் அடிக்கடி மே.வங்க பயணத் திட்டத்தை வகுத்து முதல்வர் மம்தாவைக் கடுமையான குற்றச்சாட்டுகளைக் கூறி தொடர் தாக்குதல் நடத்தி வருவதால் தேர்தல் நெருங்க, நெருங்க பதற்றமும் அதிகரித்து விட்டது.இந்நிலையில் நேற்று மம்தா ஏற்படுத்திய பல்வேறு தடைகளைத் தாண்டி கொல்கத்தாவில் அமித் ஷா தலைமையில் பிரமாண்ட பேரணியை பாஜக நடத்தியது. இந்தப் பேரணியில் திடீரென வன்முறை வெடிக்க, பாஜகவினரும், திரிணமுல் கட்சியினரும் சரமாரி தாக்குதலில் ஈடுபட்டனர். கல்வீச்சு, தீ வைப்பு சம்பவங்களால் போர்க்களமான சூழலில், கொல்கத்தா பல்கலைக்கழகம் முன் இருந்த, வங்கத்து தந்தை என மே.வங்கத்து மக்களால்,ஏறத்தாழ 2 நூற்றாண்டுகளாக போற்றப்படும் பண்டிட் சந்திர வித்யாசாகர் சிலையை பாஜகவினர் அடித்து சேதப்படுத்தினர். சிலை சேதப்படுத்தப் Uட்ட சம்பவத்தினால் கொல்கத்தாவில் பதற்றம் மேலும் அதிகரித்துள்ளது.

பாஜக நடத்திய வன்முறைக்கு கண்டனம் தெரிவித்துள்ள மம்தா, வெளி ஆட்களைக் கொண்டு வந்து மே.வங்கத்தில் வன்முறையை பாஜக கட்டவிழ்த்து விடுகிறது.மே.வங்க சரித்திரத்தில் இது போன்று முன்னெப்போதும் நிகழ்ந்ததில்லை என்றும், வித்யாசாகர் சிலை சேதப்படுத்திய பாஜகவுக்கு உரிய தண்டனையை மக்கள் வழங்குவார்கள் என்று ஆவேசமாக கூறியுள்ளார்.

இதே போன்று பாஜகவுக்கு எதிராக மார்க்சிஸ்ட் கட்சியினரும் கொல்கத்தாவில் சேதப்படுத்தப்பட்ட வித்யாசாகர் சிலை அருகே போராட்டத்தில் குதித்துள்ளனர்.மார்க்சிஸ்ட் தேசிய செயலாளர் சீதாராம் யெச்சூரி தலைமையில் ஆயிரக்கணக்கான மார்க்சிஸ்ட் கட்சியினர் திரண்டு தர்ணா போராட்டம் நடத்தியதால் கொல்கத்தா நகரத்தில் பதற்றம் நீடிக்கிறது.


Speed News

  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST