பாஜகவை காஷ்மீரில் கால் பதிக்கவிட்டது யார்? உமர்-மெகபூபா இடையே நீயா? நானா? மோதலால் பரபரப்பு

by Nagaraj, Aug 12, 2019, 13:26 PM IST

காஷ்மீரில் பாஜக காலடி எடுத்து வைக்க காரணமாக இருந்தது நீயா? நானா? என உமர் அப்துல்லாவும் மெகபூபா முப்தியும் நேருக்கு நேர் மோதிக் கொண்ட தகவல் வெளியாகி பரபரப்பு கிளம்பியுள்ளது. காஷ்மீர் மசோதா தாக்கலுக்கு முன், சிறைபிடிக்கப்பட்டு அரசு பங்களாவில் ஒரே இடத்தில் தங்க வைக்கப்பட்டிருந்த இருவரும் பகிரங்கமாக வாக்குவாதம் செய்ததால் வேறு வேறு இடங்களுக்கு மாற்றம் செய்யப்பட்டுள்ளதாகவும் தகவல்கள் வெளியாகியுள்ளது.

காஷ்மீருக்கு சிறப்பு அந்தஸ்து ரத்து செய்யவும், அம்மாநிலத்தை இரு யூனியன் பிரதேசங்களாக பிரிக்கவும், மத்திய அரசு கடந்த வாரம் அதிரடி முடிவு எடுத்தது.இந்த முடிவை மேற்கொள்ளும் முன், காஷ்மீரில் ராணுவத்தினரை பெருமளவில் குவித்தது மத்திய அரசு .முன்னாள் முதல்வர் உமர் அப்துல்லா, மெகபூபா முப்தி உள்பட எதிர்க்கட்சிகள் மற்றும் பிரிவினைவாத இயக்கங்களைச் சேர்ந்த 100-க்கும் மேற்பட்ட தலைவர்களை சிறைப்பிடித்தது ஜம்மு - காஷ்மீர் அரசு.

இவ்வாறு சிறைபிடிக்கப்பட்ட தலைவர்கள் அனைவரையும் ஸ்ரீநகரில் உள்ள ஹரி நிவாஸ் என்னும் அரசு பங்களாவில் அடைக்கப்பட்டிருந்தனர். இந்த பங்களாவில் தான் தீவிரவாதிகள் உள்ளிட்ட காஷ்மீரில் வன்முறையில் ஈடுபடுவர்களை அடைத்து வைத்து விசாரணை நடத்துவது வழக்கம்.

காஷ்மீர் மசோதா காரணமாக, முன் எச்சரிக்கையாக கடந்த வாரம் இந்த அரசு பங்களாவில் சிறை வைக்கப்பட்டிருந்த தலைவர்களுக்கு சிறையில் வழங்கப்படும் வசதிகள் மட்டுமே கிடைத்துள்ளது. இந்த பங்களாவில் காஷ்மீர் முன்னாள் முதல்வர்களான உமர் அப்துல்லா கீழ்த்தளத்திலும், மெகபூபா முப்தி முதல் தளத்திலும் தங்க வைக்கப்பட்டிருந்தனராம்.

இந்நிலையில் காஷ்மீர் மசோதா குறித்தும், பாஜகவின் நடவடிக்கைகள் குறித்தும் உமர் அப்துல்லாவுக்கும் மெகபூபாவுக்கும் இடையே திடீரென நேருக்கு நேர் வாக்குவாதம் ஏற்பட்டுள்ளது. காஷ்மீரில் பாஜகவுடன் 2015 முதல் 2018 வரை நீங்களும், உங்கள் தந்தை முப்தி முகமது சயீத்தும் கூட்டணி சேர்ந்து ஆட்சி அமைத்ததாலேயே அக் கட்சி மாநிலத்தில் காலூன்ற உதவி விட்டதாக மகபூபாவை, உமர் அப்துல்லா குற்றம் சுமத்தினாராம். பதிலுக்கு வாஜ்பாய் பிரதமராக இருந்த போது, அந்த கட்சியுடன் உங்கள் தந்தை கூட்டணி வைத்ததையும், மத்திய அமைச்சராக நீங்கள் இருந்ததையும் மறந்து விட்டீர்களா? என்று உமரை ஏகத்துக்கும் மெகபூபா விமர்சித்தாராம். அது மட்டுமின்றி காஷ்மீரை இந்தியாவுடன் இணைக்கும் தவறான முடிவை எடுக்க காரணமாக இருந்ததே உங்கள் தாத்தா ஷேக் அப்துல்லா தானே? என்றும் உரக்க கூச்ச விட்டாராம்.

இதனால் அதிகாரிகள், பாதுகாப்பு படையினர் ஏராளமானோர் முன்னிலையில் இருவருக்கும் இடையே கடும் வாக்குவாதம் ஏற்பட்டு அந்த இடமே பரபரப்பாகி விட்டதாம். இதைத் தொடர்ந்து இருவரும் வேறு, வேறு இடங்களுக்கு மாற்றப்பட்டதாக அங்கு பணியில் இருந்த அதிகாரி ஒருவர் கூறியதாக தகவல்கள் வெளியாகி பரபரப்பு ஏற்பட்டுள்ளது.

இதே போன்றுதான் முத்தலாக் தடை மசோதா நிறைவேறிய போதும் இருவரும் மாறி மாறி கருத்துக்களை வெளியிட்டு டிவிட்டரில் மோதிக் கொண்டதும் குறிப்பிடத்தக்கது. தற்போது காஷ்மீர் மசோதா விவகாரத்திலும் இருவரும் பலர் முன்னிலையில் வாக்குவாதம் செய்து மோதிக் கொண்டதாக செய்திகள் வெளியாகி மேலும் பரபரப்பை அதிகரித்துள்ளது.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST