மு.க.ஸ்டாலினை சந்திக்கும் தெலுங்கானா முதல்வர்.! பிடி கொடுக்குமா திமுக?

by Nagaraj, May 13, 2019, 10:40 AM IST

சந்திப்பு நடக்குமா? நடக்காதா? என சூடான விவாதங்கள் நடந்தேறிய நிலையில், தெலுங்கானா முதல்வர் கே.சந்திரசேகர் ராவ் இன்று மு.க.ஸ்டாலினை சந்திப்பது உறுதியாகியுள்ளது. இதனால் கே.சி.ஆரின் மாநிலக் கட்சிகளை ஒன்று திரட்டும் 3-வது அணித் திட்டத்திற்கு திமுக பிடி கொடுக்டுமா? என்ற கேள்வி எழுந்துள்ளது.

மக்களவைத் தேர்தல் ஏறத்தாழ முடிவடையும் கட்டத்திற்கு வந்து விட்டது. ஓட்டு எண்ணிக்கைக்கும் இன்னும் பத்து தினங்களே உள்ளன. மத்தியில் இரு பெரும் கட்சிகளான பாஜக மாற்றும் காங்கிரசுக்கு மெஜாரிட்டி கிடைப்பது சந்தேகம் தான் என்ற யூகங்கள் அதிகரித்து வருகிறது. இதனால் தேர்தல் முடிவுகளுக்குப் பின் மாநிலக் கட்சிகள் மற்றும் உதிரிக் கட்சிகள் ஆதிக்கம் செலுத்தும் நிலை உருவாகும் என்றே தெரிகிறது.

இதனால் பாஜக மீண்டும் ஆட்சிக்கு வந்து விடக் கூடாது என்று கங்கணம் கட்டிக் கொண்டு ஆந்திர முதல்வர் சந்திரபாபு நாயுடு காங்கிரசுக்கு ஆதரவாக எதிக்கட்சிகளை ஒன்று திரட்டப் பார்க்கிறார். இதற்கு மம்தா, மாயாவதி, அகிலேஷ் போன்றோர் ஒத்துழைக்க மறுப்பதாக தகவல்கள் வெளியாகின்றன. தேர்தல் முடிவு வரட்டும், பின்னர் முடிவெடுக்கலாம் என்ற மனநிலையில் அவர்கள் உள்ளனர்.

இந்நிலையில் சந்திரபாபு நாயுடுவின் பரம எதிரியான தெலுங்கானா முதல்வர் கே.சந்திரசேகர் ராவ், வேறொரு திட்டத்துடன் களத்தில் குதித்துள்ளார். பாஜக, காங்கிரஸ் அல்லாத மாநிலக் கட்சிகளை ஒன்று சேர்த்து 3-வது அணி அமைக்கும் திட்டம் தான் அது. இதில் இடதுசாரிகளையும் ஒன்றிணைக்கும் திட்டத்துடன் கடந்த வாரம் கேரள முதல்வர் பினராயி விஜயனையும் சந்தித்து ஆலோசித்து விட்டார். அப்போதே 13-ந் தேதி திமுக தலைவர் மு.க.ஸ்டாலினையும் கே.சி.ஆர்.சந்திக்கப் போகிறார் என்ற தகவல் கசிந்தது.

ஆனால் தகவல் கசிந்த சில மணி நேரங்களிலேயே கே.சி.ஆர். தரப்பிலும், திமுக தரப்பிலும் இதற்கு மறுப்பு வெளியானது. கே.சி.ஆர் - மு.க.ஸ்டாலின் சந்திப்பு முடிவாகவில்லை என்று அதிகாரப்பூர்வ அறிவிப்பே வெளியானது. இதற்குக் காரணம் திமுகவுக்கு காங்கிரஸ் மேலிடம் கொடுத்த நெருக்கடி தான் காரணம் என்றும் கூறப்பட்டது.காங்கிரஸ் தலைவர் ராகுல் காந்தியை பிரதமர் பதவிக்கு முதன்முதலில் முன்மொழிந்ததே திமுக தலைவர் மு.க.ஸ்டாலின்தான். அப்படியிருக்கையில், பாஜகவுக்கு சாதகமாக கேசிஆர் மறைமுகமாக செயல்படுவதாக குற்றச்சாட்டுகள் எழும் நிலையில், இச்சந்திப்பு ஏன் என்ற கேள்விகள் எழுந்தன. இதனால் கேசிஆர்-மு.க.ஸ்டாலின் சந்திப்பு நடக்க வாய்ப்பில்லை என்றே கூறப்பட்டது.

ஆனால் மு.க.ஸ்டாலினை கேசி ஆர் இன்று மாலை 4 மணிக்கு சென்னையில் உள்ள அவருடைய இல்லத்தில் சந்திக்கப் போகிறார் என்ற அதிகாரப்பூர்வ தகவல் இன்று திடீரென வெளியாகி பரபரப்பை ஏற்படுத்தியுள்ளது. இதனால் கேசிஆரின் 3-வது முயற்சிக்கு திமுக பிடி கொடுக்குமா? அல்லது திமுகவின் திட்டம் தான் என்ன?என்ற கேள்வி எழுந்து தமிழக அரசியல் மட்டுமின்றி தேசிய அளவில் முக்கியத்துவம் பெற்றுள்ளது மு.க.ஸ்டாலின் - கேசி ஆர் சந்திப்பு என்றே கூறலாம்.

வாக்குச் சாவடியில் விபரீதம்.. தவறுதலாக வெடித்த துப்பாக்கி... தேர்தல் அதிகாரி மீது பாய்ந்த குண்டு!


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST