பிக்பாஸ் நிகழ்ச்சியின் அடுத்த சீசன் தொகுப்பாளர் யார் தெரியுமா?

விஜய் டிவியில் கமல்ஹாசன் தொகுத்து வழங்கி வரும் பிக்பாஸ் நிகழ்ச்சியின் அடுத்த சீசனுக்கான தொகுப்பாளர் பெயரை விஜய் டிவி நிறுவனம் உறுதிபடுத்தியுள்ளது.

வெளிநாடுகளில் பிக் பிரதர் என்ற பெயரில் வெளியான ரியாலிட்டி ஷோ நிகழ்ச்சி ஹிந்தியில் பத்து ஆண்டுகளுக்கு முன்பு பிக்பாஸ் என்ற பெயரில் ஒளிபரப்பானது. ஹிந்தி பிக்பாஸை பாலிவுட் நடிகர் சல்மான் கான் தொகுத்து வழங்கி வந்தார்.

மாபெரும் வரவேற்பையும் வெற்றியையும் பெற்று வந்த இந்த ரியாலிட்டி ஷோவை தென்னிந்தியாவிலும் பரப்ப ஸ்டார் நிறுவனம் முடிவு செய்தது. அதன்படி தமிழில் ஒளிபரப்பாகி வரும் பிக்பாஸ் நிகழ்ச்சியை நடிகர் கமல்ஹாசன் தொகுத்து வழங்கி வருகிறார்.

பிக்பாஸ் ஒன்று, இரண்டு மற்றும் மூன்றாவது சீசனையும் கமல்ஹாசனே தொடர்ந்து நடத்தி வருகிறார்.

இந்நிலையில், இந்தியன் 2 படப்பிடிப்பு ஆந்திராவில் நடைபெற்று வரும் தகவல்கள் வெளியாகியுள்ள நிலையில், பிக்பாஸ் சீசன் 3 இன்னும் 20 நாட்களுக்குள் முடிவு பெற உள்ளதால், அடுத்த பிக்பாஸ் நிகழ்ச்சியை கமல் தொகுத்து வழங்குவாரா? இல்லை அவருக்கு பதிலாக சிம்பு, சூர்யா, சரத்குமார் என இவர்கள் மூவரில் யார் தொகுத்து வழங்க உள்ளார் என்ற கேள்வி எழுந்துள்ளது.

பெரும்பாலும், சிம்பு மற்றும் சூர்யாவின் பெயர்கள் அடிபட்டு வந்த நிலையில், இந்த வதந்திகளுக்கு விஜய் டிவி நிர்வாகம் முற்றுப்புள்ளி வைத்துள்ளது. அடுத்த பிக்பாஸ் நிகழ்ச்சியையும் கமல்ஹாசனே தொகுத்து வழங்குவார். இந்த நிகழ்ச்சியை தொகுத்து வழங்குவது குறித்து இதுவரை எந்த ஒரு நடிகருடனும் பேச்சுவார்த்தை நடத்தவில்லை என்ற விளக்கத்தையும் தெரிவித்துள்ளது.

You'r reading பிக்பாஸ் நிகழ்ச்சியின் அடுத்த சீசன் தொகுப்பாளர் யார் தெரியுமா? Originally posted on The Subeditor Tamil