நில மாற்ற முறைகேடு வழக்கில் சித்தராமையா, குமாரசாமிக்கு சம்மன்.. ஐகோர்ட்டில் மனு தாக்கல்..

by எஸ். எம். கணபதி, Sep 21, 2019, 14:49 PM IST

விவசாய நிலங்களை கட்டுமான நிலமாக மாற்ற உத்தரவு பிறப்பித்ததில் முறைகேடு செய்ததாக கர்நாடக முன்னாள் முதல்வர்கள் சித்தராமையா, குமாரசாமி ஆகியோருக்கு சிறப்பு நீதிமன்றம் சம்மன் அனுப்பியிருக்கிறது. இதை எதிர்த்து இருவரும் ஐகோர்ட்டில் மனு தாக்கல் செய்துள்ளனர்.

கர்நாடகாவில் குமாரசாமி தலைமையில் காங்கிரஸ்-மதசார்பற்ற ஜனதாதளம் கூட்டணி ஆட்சி நடைபெற்று வந்தது. காங்கிரஸ் கட்சி எம்.எல்.ஏ.க்கள் 13 பேர் திடீரென அதிருப்தி எம்.எல்.ஏ.க்களாக மாறி ராஜினாமா செய்தனர். இதைடுத்து, ஆட்சி கவிழ்ந்தது. எடியூரப்பா தலைமையில் பாஜக ஆட்சி அமைத்தது.

குமாரசாமி ஆட்சியை கவிழ்க்க விடாமல் பாஜகவுக்கு எதிராக ஓராண்டாக கடுமையாக போராடியவர் காங்கிரஸ் முன்னாள் அமைச்சர் சிவக்குமார். தற்போது அவர் ரூ.200 கோடி சட்டவிரோத பணபரிமாற்ற வழக்கில் மத்திய அமலாக்கத் துறையால் கைது செய்யப்பட்டு சிறையில் உள்ளார்.

இந்நிலையில், சித்தராமையா முதல்வராக இருந்த போது பாப்பன்னா என்பவருக்கு சொந்தமான முக்கால் ஏக்கர் விவசாய நிலத்தை கட்டுமான நிலமாக மாற்றிக் கொடுத்ததில் முறைகேடு நடந்ததாக புகார் எழுந்தது. இதில், மைசூரு நகர மேம்பாட்டு அமைப்பு விதிமுறைகள் மீறப்பட்டிருப்பதாக சமூக ஆர்வலர் கங்காராஜு என்பவர் கடந்த ஆண்டு புகார் கொடுத்திருந்தார். இந்த புகாரில் லட்சுமிபுரம் போலீஸார், ஒரு எப்.ஐ.ஆர் பதிவு செய்திருந்தனர்.

அதன்பிறகு, அந்த புகாரில் முகாந்திரம் இல்லை என்று கூறினர்.
ஆனால், அதை எம்.பி, எம்.எல்.ஏ.க்கள் மீதான ஊழல் வழக்குகளை விசாரிக்கும் சிறப்பு நீதிமன்றம் ஏற்கவில்லை. அந்த வழக்கில் சித்தராமையாவுக்கு வரும் 26ம் தேதி ஆஜராக உத்தரவிட்டு சம்மன் அனுப்பியுள்ளது. இதை எதிர்த்து, கர்நாடக ஐகோர்ட்டில் சித்தராமையா ஒரு ரிட்மனு தாக்கல் செய்திருக்கிறார்.

இதே போல், முன்னாள் முதல்வர் குமாரசாமி மீதும் இதே நில மாற்ற முறைகேடு வழக்கு தொடரப்பட்டுள்ளது. கலோகேவடாஹள்ளி என்ற பகுதியில் 2 ஏக்கர் நிலத்தை மாற்றிக் கொடுத்ததில் முறைகேடு நடந்துள்ளாக புகார் கூறப்பட்டது. இந்த புகாரின் அடிப்படையில் அக்டேபர் 4ம் தேதி ஆஜராகுமாறு குமாரசாமிக்கு சிறப்பு நீதிமன்றம் சம்மன் அனுப்பியுள்ளது. அவரும் சம்மனை எதிர்த்து ஐகோர்ட்டில் மனு தாக்கல் செய்துள்ளார்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST