அடுத்த மாசம் சம்பள பணத்துக்கு வேட்டு வைக்க வருகிறது அட்சய திருதியை 3000 கிலோ தங்கம் விற்பனைக்கு டார்கெட்!

by Mari S, Apr 23, 2019, 11:19 AM IST

இந்த ஆண்டிற்கான அட்சய திருதியை வரும் மே 7ம் தேதி வருகிறது. மாதத்தின் முதல் வாரமே அட்சய திருதியை வருவதால், சம்பள பணம் மொத்தத்தையும் தங்க நகைகளை வாங்க வைக்க நகைக்கடை வியாபாரிகள் பலவிதமான கவர்ச்சி வலைகளை பின்னத் தொடங்கி விட்டனர்.

சித்திரை மாத அமாவாசைக்கு அடுத்து வரும் திருதியை அட்சய திருதியை என அழைக்கப்படுகின்றது. இந்த நாளில் பொன், பொருள் என எது வாங்கினாலும், அது பன்மடங்கு பெருகும் என்பது ஐதீகம்.

அந்த நம்பிக்கையை பயன்படுத்தி சமீப காலமாக நகைக்கடை வியாபாரிகள் தங்கத்தில் முதலீடு செய்யவும், விதவிதமான தங்க நகைகளை உற்பத்தி செய்து மக்களை தங்க நகைகளை வாங்க வைக்கவும் பலவிதமான கவர்ச்சி அறிவிப்புகளையும், புதிய புதிய டிசைன்களையும் சந்தையில் இறக்கி வருகின்றனர்.

கடந்த ஆண்டு தமிழகத்தில் 2000 கிலோ தங்கம் விற்பனை செய்யப்பட்டதாகவும், சென்னையில் மட்டுமே 1000 கிலோ தங்கம் விற்பனை ஆனதாகவும் செய்திகள் தெரிவித்துள்ளன. இந்த ஆண்டு தமிழகத்தில் 3000 கிலோ தங்கத்தை விற்பனை செய்ய வியாபாரிகள் டார்கெட் செய்துள்ளனராம்.

சென்னை வர்த்தக மையத்தில் கடந்த மூன்று நாட்களாக நடைபெற்ற நகைக் கண்காட்சியில் சர்வதேச நாடுகள் தங்களின் புதிய டிசைன்களை அறிமுகம் செய்துள்ளன.

இதில், சிறந்த டிசைன்களை வாங்கிச் சென்றுள்ள நகைக்கடை உரிமையாளர்கள் அதே போன்ற நகைகளை இந்த ஆண்டுக்கான அட்சய திரிதியை ஸ்பெஷலாக செய்ய ஆரம்பித்துவிட்டனர்.

பெண்களை கவரும் விதத்தில் பல ஆயிரக்கணக்கான பிரத்யேக டிசைன்கள் தயாராகி வருகின்றன. மேலும், தமிழ் கலாசாராத்தின் அடையாளமான காவிரி ஆறு டிசைன் நகைகளும் இந்த ஆண்டின் ஸ்பெஷல் டிசைனில் இடம்பெற்றுள்ளதாக தகவல் வெளியாகி உள்ளது.

அட்சய திரிதியை அன்று தங்கம் மட்டும்தான் வாங்க வேண்டும் என்பதில்லை. சிறிய அளவில் நன்மை செய்தாலும், அது பன்மடங்கு நன்மையாக பெருகி உரிய காலத்தில் உங்களுக்கு உதவும்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST