புன்னகைக்கு டாட்டா காட்டும் இனிப்பு

by SAM ASIR, Apr 8, 2019, 14:32 PM IST
உங்களுக்கு எதை சாப்பிடுவதற்கு அதிக விருப்பம்? 'இனிப்பு' என்று பதில் கூறினால், உங்கள் பற்களுக்கு பாதிப்பு நேரக்கூடும்!
 
கேண்டி எனப்படும் மிட்டாய்கள், சாஃப்ட் டிரிங்ஸ் எனப்படும் குளிர்பானங்கள் மற்றும் ஏனைய இனிப்பு அடங்கிய உணவு பதார்த்தங்கள், பானங்களை விரும்பாதோர் இருக்க இயலாது. நாவிற்கு சுவையாக அமையும் இந்த உணவுகள், உடலுக்கும் பற்களுக்கும் நன்மை செய்வன அல்ல. 
 
இவ்வகை சுவை மிகுந்த பண்டங்கள், பானங்கள் எந்த வகையில் பற்களுக்குப் பாதிப்பை உருவாக்குகின்றன தெரியுமா?
 
சுவைபானங்கள்: கார்பனேட்டட் பீவரேஜஸ் என்று கூறப்படும் செயற்கை குளிர்பானங்கள் வெகுவாக விற்பனையாகும் காலகட்டம் இது. விருந்தினர், நண்பர்கள் என்று அனைவரும் இவ்வகை பானங்களை விரும்பி அருந்துகின்றனர். இந்த பானங்களில் சர்க்கரை கலந்துள்ளது. நாம் அருந்தும்போது வாயின் எல்லா பகுதிகளுக்கும் இது செல்கிறது. நுண்ணிய இடுக்குகளிலும் பானம் செல்வதால் அதில் உள்ள சர்க்கரை வாயின் இடுக்குகளில் படிந்து கொள்கிறது. பற்களுக்கு சேதத்தை விளைவிக்கும் பாக்டீரியாக்கள் என்னும் நுண்ணுயிரிகள் உருவாவதற்கு இது காரணமாகிறது.
 
எனாமலை கரைக்கிறது: பற்களின் மேற்புறம் இருக்கும் அடுக்கு 'எனாமல்' ஆகும். பற்களை பார்க்கும்போது வெள்ளையாக நம் கண்களுக்குத் தெரிவதற்கு காரணம் எனாமல்தான். இவை பற்களின் நரம்புகளையும் பாதுகாக்கின்றன. இனிப்புப் பண்டங்களான மிட்டாய் போன்றவற்றை நாம் மென்று சுவைக்கும்போது அவற்றில் உள்ள சர்க்கரை பற்களில் படிந்து கொள்கிறது. பற்களில் படிந்த சர்க்கரையை நம் உமிழ்நீரால் கரைக்க இயலுவதில்லை. கரையாமல் படிந்திருக்கும் சர்க்கரையால் அமிலங்கள் சுரக்க ஆரம்பிக்கின்றன. அமில சுரப்பால் எனாமல் கரைக்கப்படுகிறது. இதன் தொடர்ச்சியாக பற்கள் பாதுகாப்பை இழந்து பல் கூச்சம், வலி ஆகியவை உருவாகின்றன. பற்சிதைவுக்கும் இது காரணமாகிறது.
 
பற்காறை: பற்களில் உருவாகும் காறை, பாக்டீரியா என்னும் நுண்ணுயிர்கள் உருவாகக்கூடிய இடமாகும். சர்க்கரை, காறைகளில் பாக்டீரியா உற்பத்தியை ஊக்குவிக்கிறது. நாம் சாப்பிடும் உணவில் இருந்து காறைகளில் படியும் சர்க்கரையால் பாக்டீரியா உருவாகி, பல் சொத்தை, ஈறுகளில் நோய் தொற்று, வாய் துர்நாற்றம் போன்ற பல் சார்ந்த கோளாறுகள் உருவாகின்றன.
 
பொதுவாக நாம் சாப்பிடும் அதிகப்படியான சர்க்கரை சார்ந்த உணவுப் பொருள்களால் வாயின் பின்பக்கமுள்ள பற்கள் அரிக்கப்படுதல், ஈறுகளில் நோய் தொற்று, பற்சிதைவினால் உணவினை மெல்லுவதில் பிரச்னை, நுண்ணுயிரிகளால் செரிமான கோளாறு மற்றும் வாய் துர்நாற்றத்தை உருவாக்கும்.
 
ஆகவே, சர்க்கரை அடங்கிய இனிப்பு உணவுகள் மற்றும் மென்பானங்களை சாப்பிடுவதில், அருந்துவதில் கவனம் தேவை. முடிந்த அளவு அவற்றை தவிர்க்கலாம். தவிர்க்க இயலாமல் உண்டால் வாயை நன்றாக சுத்தம் செய்வது அவசியம்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST