குழந்தைகளுக்கு வயிற்றுப் பிரச்னை: தெரிந்து கொள்ள வேண்டியவை

by SAM ASIR, Aug 2, 2019, 18:21 PM IST

குழந்தைகள் என்ன சாப்பிடுவர் என்றே உறுதியாக கூற இயலாது. பார்த்து பார்த்து சமைத்து வைத்திருக்கும் உணவுகளை சாப்பிடமாட்டார்கள். எதை எதையோ வாயில் எடுத்துப் போட்டுக் கொள்வார்கள்.

சுத்தமில்லாத உணவு, அரைவேக்காடாக சமைக்கப்பட்டவை, பச்சையாக இருப்பவை எதுவும் குழந்தைகளுக்குப் பொருட்டல்ல.

மற்றவர்கள் சாப்பிடுவது, பார்வைக்கு வித்தியாசமாக தெரிவது என எல்லாவற்றையும் அடம் பிடித்தோ, யாருக்கும் தெரியாமலோ எடுத்து சாப்பிட்டுவிடுவார்கள். பெரும்பாலும் குழந்தைகளுக்கு அதுவும் ஒன்று முதல் மூன்று வயதாகும் பருவத்தினருக்கு செரிமான மண்டலம் முழுமையான வளர்ச்சி பெறாமல் இருக்கக்கூடும். ஆகவே, சில உணவு பொருள்களில் இருக்கக்கூடிய கிருமிகளை தடுக்கக்கூடிய ஆற்றல் வயிற்றுக்கு இருக்காது. இதனால் குழந்தைகளுக்கு வயிற்றுப் பிரச்னை அடிக்கடி வர நேரிடுகிறது.
வயிற்றுப் பிரச்னையை அறிவது எப்படி?

வயிறு பாதிக்கப்பட்டால் வாந்தி மற்றும் வயிற்றுப்போக்கு இருக்கும். நீர்ச்சத்து குறைவதற்கான அறிகுறிகள் தென்படும்.

வயிற்றுவலியும், வயிற்றை யாரோ பிசைவதுபோன்ற உணர்வும் இருக்கும்
சிறுநீர் ஒழுங்கான இடைவெளியில் வெளியேறாமை

வாயில் எச்சில் குறைவது

102 டிகிரி பாரன்ஹீட்டுக்கு மேல் காய்ச்சல்

அசதி, சோர்வு

உற்சாகமின்மை

இவை இருந்தால் குழந்தைக்கு வயிறு பாதிக்கப்பட்டுள்ளது என்பதை அறிந்து கொள்ளலாம். மலத்தில் இரத்தம், சளி போன்றவை வெளியேறினால் மற்றும் மலம் கறுப்பாக இருந்தால் உடனடியாக மருத்துவரை அணுக வேண்டும்.
தவிர்ப்பது எப்படி?

ஆரோக்கியமான உணவுகளை குழந்தைகளுக்குத் தர வேண்டும். நன்கு சமைத்த உணவுகளை மட்டுமே ஊட்ட வேண்டும். வீட்டின் தரையை சுத்தமாக வைத்துக்கொள்ளவேண்டும். குழந்தை விளையாடும் பொம்மைகளை தினமும் சுத்தம் செய்ய வேண்டும். மணல் மற்றும் சகதியில் குழந்தை விளையாடாமல் பார்த்துக்கொள்ளவேண்டும்.

பாதிப்பு ஏற்பட்டால் செய்ய வேண்டியவை

திரவ உணவு: வயிறு பாதிக்கப்பட்ட குழந்தைக்கு வாந்தி மற்றும் வயிற்றுப்போக்கினால் உடலில் நீர்ச்சத்து குறைந்துபோகும். ஆகவே, தேவையான அளவு திரவம் உடலில் சேர்வதை உறுதி செய்யவேண்டும். நீர்ச்சத்து குறைந்துபோனால் பல்வேறு உடல்நல பிரச்னைகள் எழக்கூடும். ஆகவே, எலக்ட்ரோலைட் என்ற சத்துகள் குறைந்திடாமல் அவை உள்ள திரவ உணவை அளிக்கவேண்டும்.

உணவு: வயிறு பாதிக்கப்பட்ட குழந்தைக்கு பால் மற்றும் தயிர் போன்ற உணவுகளை அளிக்கக்கூடாது. அது பாதிப்பை அதிகரிக்கும். சிறிதளவு சோறு, ரொட்டி மற்றும் வாழைப்பழம் ஆகியவற்றை கொடுக்கலாம். காய்கறி சூப் கொடுக்கலாம். பொறித்த மற்றும் மசாலா சேர்த்த உணவு பொருள்களை தவிர்க்கவேண்டும்.

மருந்து: குழந்தைக்கு வயிறு பாதிப்பு ஏற்பட்டால் நீங்களாகவே அல்லது மற்றவர்கள் கூறுவதாலோ ஏதோ ஒரு மருந்தை கொடுக்கக்கூடாது. சாதாரண எதிர் உயிரி மருந்துகள் வைரஸ்களை எதிர்த்து வேலை செய்யாது. ஆகவே, உங்கள் குடும்ப மருத்துவர் அல்லது குழந்தை மருத்துவரை அணுகி உரிய சிகிச்சை பெற்றுக்கொள்வதே நல்லது.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST