வடக்கே வாரணாசி என்றால் தென்னிந்தியாவின் காசி வயநாடு - ராகுல் போட்டியிடும் தொகுதியின் சிறப்புகள்

Apr 2, 2019, 21:07 PM IST

வட காசி என்று வாரணாசியை சொல்வது போல தென்னிந்தியாவின் காசி என்றழைக்கப்படுவது தான் கேரளாவின் வயநாடு. வாரணாசியில் மோடி போட்டியிடுகிறார் என்றால் தென்னாட்டின் காசியில் அடுத்த பிரதமர் வேட்பாளராக காங்கிரஸ் சார்பில் முன்னிலைப்படுத்தப்படும் ராகுல் போட்டியிடுவதில் என்னே ஒரு ஒற்றுமை பாருங்களேன்.

உ.பி.யின் அமேதி தொகுதியில் போட்டியிடும் காங்கிரஸ் தலைவர் ராகுல் காந்தி, 2-வது தொகுதியாக கேரளாவின் வயநாடு தொகுதியில் போட்டியிடுவதாக அறிவித்ததில் இருந்து ஒட்டுமொத்த இந்தியாவின் கவனத்தை ஈர்த்துள்ளது அந்தப் பெயர். வயநாட்டின் சரித்திரங்களை அலசிப் பார்க்கும் போது ஏராளமான வரலாற்று முக்கியத்துவம் பெற்ற மற்றும் சுற்றுலா இடமாக விளங்குகிறது வயநாடு.

கேரள மாநிலத்தின் வடமேற்கில் அமைந்துள்ள வயநாடு முற்றிலும் காடுகளும், வயல்களும் சூழ்ந்த ஒரு வித்தியாசமான மலைவாசஸ்தலம் ஆகும். இந்தப் பகுதியை வயல்நாடு என்றும் அழைப்பர்.நெல் விளைச்சலுக்கு பெயர் போன பூமி. நகர்ப் பகுதியிலிருந்து முற்றிலும் மாறுபட்ட மலைவாழ் மக்கள் அதிகம் வசிக்கும் பகுதி. மொத்த மக்கள் தொகையே சுமார் 8 லட்சம் தான். கேரளா, தமிழகம், கர்நாடகா ஆகிய 3 மாநிலங்களின் எல்லையோரம் அமைந்தது தான் இந்த வயநாடு.

1980-ல் மலப்புரம் மற்றும் கோழிக்கோடு மாவட்டங்களில் இருந்து எல்லைகள் பிரிக்கப்பட்டு கேரளாவின் 12-வது மாவட்டமாக உருவானது தான் வயநாடு மாவட்டம். தொகுதி சீரமைப்பில் 2009-ல் வயநாடு மக்களவைத் தொகுதி புதிதாக உருவாக்கம் பெற்றது. 7 சட்டசபைத் தொகுதிகளை உள்ளடக்கிய வயநாடு மக்களவைத் தொகுதியில் 2009,2014 தேர்தல்களில் காங்கிரசே வெற்றி பெற்றுள்ளது.

குளு குளு பகுதியான வயநாடு பகுதி ஆதி காலம் முதல் ஆன்மீக பூமியாகவும், வீரம் செறிந்த மண்ணாகவும் திகழ்ந்து வருகிறது. புகழ் பெற்ற லவகுசா ஆலயம், ஜெயின் ஆலயம், அம்புகுத்தி குடவறை கோயில்கள் மற்றும் குகை ஓவியங்கள் சிறப்பு பெற்றவை. இங்குள்ள புகழ் பெற்ற மகாவிஷ்ணு ஆலயம் அமைந்துள்ள திருநெல்லி தென்னாட்டின் காசி என்றழைக்கப்படும் ஒன்றாகும். இங்கு ஓடும் பாபனாசினி ஆறு இந்தியாவின் புனிதமான ஆறுகளில் ஒன்றாகும். 1991-ல் ராகுல் காந்தியின் தந்தையும் முன்னாள் பிரதமருமான ராஜீவ் காந்தி கொல்லப்பட்ட போது அவருடைய அஸ்தி காசியின் கங்கை நதியில் கரைக்கப்பட்ட அதே நேரத்தில் வயநாட்டில் ஓடும் இந்த பாபனாசினி நதியிலும் கரைக்கப்பட்டது. அத்தகைய புனித பூமியில் 28 ஆண்டுகளுக்குப் பிறகு ராஜீவ் காந்தியின் மகன் ராகுல் காந்தி போட்டியிடுவது தான் என்னே பொருத்தமான ஒன்று என்று பேசப்படுகிறது.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST