வாக்கு எண்ணிக்கையில் ரகளை செய்ய ஓபிஎஸ் சூழ்ச்சி - தங்க.தமிழ்ச்செல்வன் பகீர் புகார்

by Nagaraj, May 11, 2019, 13:10 PM IST

வாக்கு எண்ணிக்கையின் போது ரகளை செய்ய துணை முதல்வர் ஓ.பன்னீர் செல்வம் தரப்பினர் திட்டமிட்டுள்ளதாகவும், தேர்தல் ஆணையம் முன் எச்சரிக்கை நடவடிக்கை வேண்டும் என்று அமமுக கொள்கை பரப்புச் செயலாளர் தங்க. தமிழ்ச்செல்வன் புகார் வாசித்துள்ளார்.

தேனி மக்களவைத் தொகுதியில் ஓ.பன்னீர் செல்வத்தின் மகன் ரவீந்திரநாத்தை எதிர்த்து அமமுக சார்பில் போட்டியிட்டவர் தங்க. தமிழ்ச்செல்வன். தற்போது இடைத் தேர்தல் நடைபெறும் திருப்பரங்குன்றம் தொகுதியில், அமமுக பொறுப்பாளராக நியமிக்கப்பட்டுள்ள தங்க. தமிழ்ச்செல்வன், துணை முதல்வர் ஓ.பன்னீர் செல்வத்திற்கு எதிராக தினமும் ஒரு குற்றச்சாட்டை முன்வைத்து அவரை கடுப்பேற்றி வருகிறார்.

தேர்தல் முடிவுக்கு பிறகு ஓபிஎஸ் பாஜகவுக்கு செல்லப் போகிறார் என்று தினமும் அடித்துச் சொல்லி வரும் தங்க தமிழ்ச் செல்வன் இன்று செய்தியாளர்களிடம் பேசுகையில், அதிமுகவில் ஓபிஎஸ்எக்கும் இபிஎஸ்சுக்கும் இடையே மோதல் வெடித்துள்ளதாக தெரிவித்தார்.

அத்துடன் வாக்கு எண்ணிக்கையின் போது அதிமுக தரப்பில் ரகளை செய்ய திட்டமிட்டிருக்கிறார்கள். இதற்காக ஒவ்வொரு தொகுதியிலும் சுயேட்சை வேட்பாளர்களின் ஏஜன்டுகளை விலை பேசியுள்ளனர். வாக்கு எண்ணிக்கை மையத்தில் 1000 , 1500 பேரை குவிக்க உள்ளன ர். முதல் ரவுண்டிலேயே முடிவுகள் அதிமுகவுக்கு பாதகமாகத் தான் வரப் போகிறது என்பது தெரிந்து விட்டது. இதனால் ரகளை செய்து ஓட்டு எண்ணிக்கையில் தில்லுமுல்லு செய்ய திட்டமிட்டுள்ளனர். அதிமுகவுக்கு சாதகமாக ஒரு தலைப்பட்சமாக செயல்பட்டு வரும் தேர்தல் ஆணையம், ஓட்டு எண்ணிக்கையின் போது உரிய பாதுகாப்பு நடவடிக்கைகளை எடுக்க வேண்டும் என்றார் தங்க.தமிழ்ப் செல்வன்.

மேலும் அவர் கூறுகையில், தேர்தல் முடிவுகளுக்குப் பிறகு அதிமுக அரசை வீட்டுக்கு அனுப்புவது உறுதி என்றார். தங்களுக்கு பதவி ஆசை கிடையாது.அப்படி இருந்திருந்தால் திமுகவுடன் கூட்டணி வைத்திருப்போம் என்றும் தடாலடியாக தெரிவித்துள்ளார்.

கின்னஸ் சாதனை படைத்த மனித கம்ப்யூட்டர் சகுந்தலா தேவியாக மாறும் வித்யா பாலன்!


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST