பிரக்யா சிங்கை ஒருபோதும் மன்னிக்கவே மாட்டேன்! வாய் திறந்த பிரதமர் மோடி!!

by எஸ். எம். கணபதி, May 17, 2019, 15:53 PM IST

‘‘கோட்சேவை புகழ்ந்த பா.ஜ.க. வேட்பாளர் பிரக்யா சிங்கை ஒரு போதும் மன்னிக்கவே மாட்டேன்’’ என்று பிரதமர் நரேந்திர மோடி கூறியிருக்கிறார்.

நாடாளுமன்றத் தேர்தலில் 6 கட்ட வாக்குப்பதிவு முடிந்து, மே 19ம் தேதி இறுதி கட்ட வாக்குப்பதிவு நடைபெற உள்ளது. இந்த தேர்தலில் பா.ஜ.க. வேட்பாளர்கள் மேனகா காந்தி, பிரக்யா சிங் தாக்குர் உள்பட பலரும் தங்கள் பிரச்சாரத்தின் போது ஏடாகூடமாக பேசி, தொடர்ந்து சர்ச்சைக்குள்ளாகி வருகின்றனர்.

மத்தியபிரதேச மாநிலம், போபால் பா.ஜ.க. வேட்பாளரான பிரக்யா சிங் ஏற்கனவே பல முறை சர்ச்சையில் சிக்கியவர். அவர் கடந்த 2 தினங்களுக்கு முன்பு பேசுகையில், மகாத்மா காந்தியை சுட்டுக் கொன்ற நாதுராம் கோட்சேவை தேசபக்தர் என்று புகழ்ந்தார். இது நாடு முழுவதும் பலத்த கண்டனக் குரல்களை ஒலிக்கச் செய்தது. எதிர்க்கட்சித் தலைவர்கள் பலரும் பா.ஜ.க.வை கடுமையாக விமர்சித்தனர். இதையடுத்து, பிரக்யா சிங் பேசியது அவரது சொந்த கருத்து, அது கட்சிக்கு தொடர்பில்லை என்று பா.ஜ.க. மறுத்தது.

 ஆனாலும், காங்கிரஸ் பொதுச் செயலாளர் பிரியங்கா காந்தி, ‘‘பிரக்யா சிங் கருத்தை அவரது கருத்து சொல்லி, மழுப்புவது போதாது. அந்த கருத்தில் உங்கள் நிலை என்ன என்பதை சொல்வதற்கு பா.ஜ.க. தேசிய தலைவர்களுக்கு துணிவு உள்ளதா?’’ என்று ட்விட் போட்டார். காரணம், பிரதமர் மோடி உள்பட பா.ஜ.க. தலைவர்கள், கோட்சே நினைவு தினங்களை அனுசரிப்பவர்கள்தான். அதனால், அவர்கள் கோட்சேவுக்கு எதிராக பேசுவார்களா என்று எதிர்பார்ப்புடன் பிரியங்கா காந்தி அப்படி ட்விட் போட்டார்.

இந்த சூழ்நிலையில், பிரதமர் நரேந்திர மோடி நியூஸ்24 என்ற தொலைக்காட்சிக்கு அளித்த பேட்டியில், இந்த விவகாரத்துக்கு பதில் கொடுத்து விட்டார். அவர் கூறுகையில், ‘‘பிரக்யா சிங் மன்னிப்பு கேட்டு விட்டார். அது வேறு விஷயம். ஆனால், எனது உள்ளத்தில் அவரை ஒரு போதும் நான் மன்னிக்கவே மாட்டேன்’’ என்றார். காந்தி மற்றும் கோட்சே பற்றி என்னென்ன பேசப்பட்டதோ அவை மிகவும் தவறானவை. அது வெறுக்கத்தக்க கருத்து. இப்படி பேசுபவர்கள் வருங்காலத்தில் நூறு முறை சிந்திக்க வேண்டும்& என்று விளக்கம் தெரிவித்திருக்கிறார்.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST