காரசாரம் இல்லாத அதிமுக ஆலோசனைக் கூட்டம்... அமைச்சர்கள் குஷி.. அதிருப்தியாளர்கள் ஏமாற்றம்

by Nagaraj, Jun 12, 2019, 15:04 PM IST

பெரும் எதிர்பார்ப்புக்கு இடையே நடைபெற்ற அதிமுக நிர்வாகிகள் ஆலோசனைக் கூட்டம் எந்தவித காரசார விவாதமின்றி நடந்து முடிந்துள்ளது. கூட்டத்தில் வழக்கம் போல சில தீர்மானங்கள் மட்டும் நிறைவேற்றப்பட்டதாக அறிவிப்பு வெளியிடப்பட்டுள்ளது.

அதிமுகவுக்கு ஒற்றைத் தலைமை தான் வேண்டும் என மதுரை வடக்கு தொகுதி எம்எல்ஏவும், மாவட்டச் செயலாளருமான ராசன்செல்லப்பா திடீரென போர்க்கொடி தூக்கினார். இதனால் அதிமுகவில் பெரும் கலகம் ஏற்படலாம் என எதிர்பார்க்கப்பட்டது. இந்நிலையில் அவசரமாக அதிமுக நிர்வாகிகள், மாவட்டச் செயலாளர்கள், எம்.பி, எம்.எல்.ஏக்கள் பங்கேற்கும் ஆலோசனைக் கூட்டத்திற்கு அழைப்பு விடப்பட்டு இன்று காலை கூட்டம் தொடங்கியது.

அடுத்து என்ன நடக்குமோ? என்ற உச்சக்கட்ட பதற்றமான சூழலில் ஆலோசனைக் கூட்டம் நடைபெற்றதால் கூட்டத்தில் என்ன பேசப்போகிறார்களோ? என்ன முடிவு எடுக்கப்படுமோ என்ற பெரும் எதிர்பார்ப்பு நிலவியது.இந்நிலையில் ஒரு மணி நேரத்திற்கும் மேல் நடைபெற்ற ஆலோசனைக் கூட்டம், காரசார விவாதங்கள் ஏதுமின்றி ஒரு வழியாக அமைதியாக முடிவடைந்ததாக கூறப்படுகிறது.

கூட்டம் முடிந்து வெளியில் வந்த அமைச்சர்கள் ஜெயக்குமார், ராஜேந்திர பாலாஜி ஆகியோர் கூட்டம் குறித்து அதிகாரப்பூர்வமாக எதுவும் சொல்லாமல், கூட்டத்தில் தேர்தல் தோல்வி குறித்து விவாதிக்கப்பட்டது. ஒற்றைத் தலைமை பற்றியெல்லாம் விவாதிக்கப்படவில்லை என்று போகிற போக்கில் ஒற்றை வரிப் பதிலை கூறி விட்டுச் சென்றனர்.கூட்டத்தில் அவைத் தலைவர் மதுசூதனன், ஒருங்கிணைப்பாளர் ஓ.பி.எஸ் உள்ளிட்ட ஒரு சிலர் மட்டுமே தங்கள் கருத்துக்களை வலியுறுத்தி பேசியதாக கூறப்படுகிறது.

இந்நிலையில் ஆலோசனைக் கூட்டத்தில் 5 தீர்மானங்கள் நிறைவேற்றப்பட்டதாக அதிமுக தலைமைக் கழகம் சார்பில் செய்திக்குறிப்பு மட்டும் வெளியிடப்பட்டது. அதில், நடந்து முடிந்த தேர்தலில் அதிமுக கூட்டணிக்கு வாக்களித்த மக்களுக்கு நன்றி..ஒத்துழைப்பு கொடுத்த கூட்டணி கட்சி தலைவர்களுக்கு நன்றி..பிரதமர் பதவிக்கு மோடியை வழிமொழிய அதிமுகவுக்கு வாய்ப்பு கொடுத்தமைக்கு நன்றி.. உள்ளாட்சித் தேர்தலில் அதிமுக வெற்றிக்கு பாடுபட வேண்டும் என்பது உள்ளிட்ட 5 தீர்மானங்கள் நிறைவேற்றப்பட்டதாக கூறப்பட்டுள்ளது.

இந்த ஆலோசனைக் கூட்டத்தில், கட்சியில் பெரும் மாற்றம் நிகழும்.. அதிரடி அறிவிப்புகள் இடம் பெறலாம் என்றெல்லாம் எதிர்பார்க்கப்பட்டது. இந்நிலையில், எவ்வித சலசலப்புமின்றி உப்புச் சப்பில்லாத தீர்மானங்களுடன் கூட்டம் நிறைவடைந்துள்ளது தற்போதைய அதிமுக அமைச்சர்களுக்கும், மூத்த நிர்வாகிகளுக்கும் பெருத்த மகிழ்ச்சியளித்தாலும், கட்சியில் மாற்றத்தை எதிர்பார்த்த ராசன் செல்லப்பா போன்ற அதிருப்தியாளர்கள் பலருக்கும் ஏமாற்றமாகி விட்டது என்று கூறப்படுகிறது.


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST