சரியான நேரத்துக்கு ஆபீஸ் வாங்க: அமைச்சர்களுக்கு மோடி அட்வைஸ்

by எஸ். எம். கணபதி, Jun 13, 2019, 11:38 AM IST

மத்திய அமைச்சர்கள் அனைவரும் சரியான நேரத்திற்கு அலுவலகத்திற்கு வந்து விட வேண்டும் என்றும் வீட்டில் இருந்தபடியே வேலை பார்க்கக் கூடாது என்றும் பிரதமர் மோடி எச்சரிக்கை விடுத்திருக்கிறார்.

பிரதமராக 2 முறை பதவியேற்றுள்ள மோடி, முதல் அமைச்சரவைக் கூட்டத்தை கூட்டினார். அப்போது அவர் அமைச்சர்களுக்கு நிறைய அட்வைஸ் செய்துள்ளார். இது குறித்து மத்திய இணை அமைச்சர் ஒருவர் கூறியதாவது:

பிரதமர் மோடி நிறைய அட்வைஸ் கொடுத்தார். மத்திய அமைச்சர்கள் அனைவரும் சரியான நேரத்திற்கு அலுவலகம் வந்து விட வேண்டும். வீட்டில் உட்கார்ந்து ெகாண்டே வேலை பார்ப்பதை தவிர்க்க வேண்டும். மற்றவர்களுக்கு உதாரணமாக நாம் இருக்க வேண்டும் என்று சொன்னார்.

அதே போல், மூத்த அமைச்சர்கள் தங்கள் துறையின் முக்கிய கோப்புகளையும் இணை அமைச்சர்களுக்கு அனுப்பி கருத்துக்களை கேட்டறிய வேண்டும். நேரத்தை மிச்சப்படுத்த இணை அமைச்சர்களையும் அழைத்து ஒருங்கிணைந்து செயல்பட வேண்டும். புதிதாக பொறுப்பேற்றுள்ள இணை அமைச்சர்களுக்கு மூத்த அமைச்சர்கள் நிறைய கற்றுத் தர வேண்டும் என்றும் கூறியிருக்கிறார்.

அடுத்த வாரம், நாடாளுமன்றம் கூடுகிறது. அந்த தொடர் நடைபெறும் போதும் கூட அமைச்சர்கள் வழக்கம் போல் எம்.பி.க்களையும், பொது மக்களையும் சந்தித்து அவர்களின் குறைகளை நிவர்த்தி செய்ய வேண்டும் என்றும் பிரதமர் கேட்டுக் கொண்டார். மத்திய நிதியமைச்சர் நிர்்மலா சீத்தாராமன், பட்ஜெட் ஆலோசனைகளை அளிக்குமாறு மற்ற அமைச்சர்களை கேட்டுக் கொண்டார்.

இவ்வாறு அந்த இணை அமைச்சர் தெரிவித்தார்.

கடந்த முறை மோடி அரசில் மூத்த அமைச்சர்கள் நிதின் கட்கரி, அருண் ஜெட்லி உள்ளிட்ட சிலர் தாங்கள் விரும்பிய நேரங்களில்தான் அலுவலகத்திற்கு வருவார்கள். சில சமயங்களில் அவர்கள் பங்களாவில் உள்ள முகாம் அலுவலகத்திலேயே அமர்ந்து வேலை பார்ப்பதுண்டு. இவர்களுக்காகவே பிரதமர் இந்த முறை ஆரம்பத்திலேயே அட்வைஸ் கொடுத்திருப்பதாக கூறப்படுகிறது.


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST