மு.க ஸ்டாலினுடன் பயணிக்க விரும்பாத முதல்வர் எடப்பாடி - ஊர் சுற்றிச்சென்ற கதை

by Nagaraj, Jun 14, 2019, 08:50 AM IST

திமுக தலைவர் மு.க.ஸ்டாலின் பயணித்த விமானத்தில், தானும் செல்ல விரும்பாத முதல்வர் எடப்பாடி பழனிச்சாமி, 100 கி.மீ. தூரத்துக்கும் மேலாக காரில் பயணித்து வேறு விமானத்தில் சென்ற சம்பவம் அரங்கேறியுள்ளது.

அதிமுகவைச் சேர்ந்த ராஜ்யசபா எம்.பி. ரத்தினவேல் இல்ல திருமண விழாவில் பங்கேற்க முதல்வர் எடப்பாடி பழனிச்சாமி நேற்று திருச்சி வந்திருந்தார். அரவக்குறிச்சி இடைத்தேர்தலில் திமுக வெற்றி பெற்றதற்காக வாக்காளர்களுக்கு நன்றி தெரிவிக்க மு.க.ஸ்டாலினும் 2 நாட்களாக திருச்சியில் முகாமிட்டிருந்தார்.

இருவரும் நேற்று இரவு சென்னைக்கு விமானத்தில் திரும்புவதாகத் திட்டம். இதற்காக இரவு 8 மணிக்கு திருச்சியிலிருந்து சென்னை செல்லும் தனியார் விமானத்தில் டிக்கெட்டுகளும் புக் செய்யப்பட்டிருந்தது. ஆனால் முதல்வர் எடப்பாடி பழனிச்சாமி பயணிக்கும் விமானத்தில் மு.க.ஸ்டாலினும் டிக்கெட் புக் செய்திருப்பது கடைசி நேரத்தில் தான் அரசு அதிகாரிகளுக்கு தெரிய வந்து விக்கித்துப் போயுள்ளனர்.

மு.க.ஸ்டாலினுடன் ஒரே விமானத்தில் செல்ல முதல்வர் விரும்ப மாட்டார் என நினைத்த அதிகாரிகள், மு.க.ஸ்டாலின் தரப்பில் பேசி, பயணத் திட்டத்தை மாற்ற முடியுமா? என்று கெஞ்சாத குறையாக வேண்டுகோள் விடுத்துள்ளனர். ஆனால் அதற்கு சம்மதம் கிடைக்கவில்லை என்று தெரிகிறது.

இதனால் முதல்வர் எடப்பாடியின் விமான டிக்கெட் கடைசி நேரத்தில் ரத்து செய்யப்பட்டது. அவசர அவசரமாக முதல்வரின் வாகனம் திருச்சியிலிருந்து நாமக்கல் வழியாக சேலம் விரைந்தது. அங்கு இரவு 11 மணிக்கு புறப்பட்ட தனியார் விமானத்தை பிடித்து நள்ளிரவில் முதல்வர் எடப்பாடி பழனிச்சாமி சென்னை திரும்பினார்.

அரசியலில் எதிரெதிர் கட்சிகளில் இருந்தாலும், கட்சி வேறுபாடுகளை மறந்து விருந்து, விழாக்களில் பங்கேற்பது தமிழகத்தில் தவிர்த்து மற்ற மாநிலங்களில் அரசியல் தலைவர்களிடையே சகஜமான ஒன்று. ஆனால் தமிழகத்தில் தான் இரு திராவிடக் கட்சிகளின் தலைவர்கள் ஒரே விமானத்தில் பறப்பது கூட பாவம் என்பது போன்ற அவலமான கொடுமை கடந்த பல ஆண்டுகளாக நீடிக்கிறது. எப்போது மாறுமோ இந்த நிலைமை?. ஆனாலும் மாறணும் என்பதே இன்றைய தமிழக மக்களின் விருப்பம் என்பதை புரிந்து கொண்டால் சரி.

அதிமுகவில் இணைந்த ராதாரவி - அப்செட்டில் நயன்தாரா?


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST