ஜெ. சமாதிக்கு எடப்பாடி திடீர் விசிட்... அமைச்சர்களுடன் மலர் தூவி, மண்டியிட்டு வணங்கினார்

by Nagaraj, Jun 18, 2019, 20:03 PM IST

நீண்ட நாட்களுக்குப் பிறகு, ஜெயலலிதா சமாதிக்கு முதல்வர் எடப்பாடி பழனிச்சாமி, அமைச்சர்கள் சகிதம் திடீர் விசிட் செய்தார். சமாதியில் மலர் தூவிய முதல்வர் எடப்பாடியும், அமைச்சர்கள் பலரும் மண்டியிட்டு வணங்கினர்.

மக்களவைத் தேர்தல் மற்றும் சட்டப் பேரவை இடைத்தேர்தல் மும்முரத்தில் அதிமுகவினர், ஜெயலலிதா சமாதியை மறந்தே போய்விட்டனர் என்றே கூறலாம். இது பற்றி சமீபத்தில் கட்சியில் போர்க்குரல் கொடுத்த மதுரை வடக்கு தொகுதி அதிமுக எம்எல்ஏ ராசன்செல்லப்பா கேள்வி எழுப்பியிருந்ததும் பெரும் சர்ச்சையை ஏற்படுத்தியது.

துணை முதல்வர் ஓபிஎஸ், தேனி தொகுதியில் வெற்றி பெற்ற தனது மகனுடன் சேர்ந்து ஜெயலலிதா சமாதிக்கு சென்று வணங்கியதை குறிப்பிட்டிருந்த ராசன்செல்லப்பா, இடைத் தேர்தலில் வெற்றி பெற்ற 9 அதிமுக எம்எல்ஏக்கள் ஜெ. சமாதிக்கு செல்லாதது ஏன் என்று கேள்வி எழுப்பியிருந்தார். அத்துடன் ஜெயலலிதா சமாதிக்கு எம்எல்ஏக்கள் செல்ல அறிவுரை கூறாதது ஏன்? வழிகாட்ட மறந்தது ஏன்? என்றும் கேள்வி எழுப்பி இருந்தது பெரும் சர்ச்சையை ஏற்படுத்தி இருந்தது.

இதற்கு பதிலளிக்கும் விதமாக, ஜெயலலிதா சமாதியில் கட்டுமான பணிகள் நடைபெறுவதால் ஒட்டுமொத்தமாக செல்லவில்லையே தவிர, எம்எல்ஏக்கள் தனித்தனியே சென்று ஜெ. சமாதியில் அஞ்சலி செலுத்தியதாக முதல்வர் எடப்பாடி பழனிச்சாமி கூறியிருந்தார். இந்நிலையில் இன்று மாலை அமைச்சர்கள் சகிதம் ஜெயலலிதா சமாதிக்கு விசிட் அடித்தார் எடப்பாடி பழனிச்சாமி. மலர்களால் அலங்கரிக்கப்பட்டிருந்த ஜெயலலிதா சமாதியில் மலர் தூவிய முதல்வர் எடப்பாடி, மண்டியிட்டு வணங்கி மரியாதை செலுத்தினார். அவரைத் தொடர்ந்து அமைச்சர்கள் செங்கோட்டையன், வேலுமணி, எஸ்.விஜயபாஸ்கர், எம்.ஆர்.விஜயபாஸ்கர், காமராஜ், கடம்பூர் ராஜு உள்ளிட்ட அமைச்சர்களும் சமாதியில் மலர் தூவி, மண்டியிட்டு அஞ்சலி செலுத்தினர்.

பின்னர், தமிழக அரசு சார்பில் சுமார் 50 கோடி ரூபாய் செலவில் ஜெயலலிதா நினைவிடம் கட்டும் பணிகளை முதலமைச்சர் பழனிசாமி நேரில் பார்வையிட்டு ஆய்வு செய்தார்.
இதையடுத்து செய்தியாளர்களிடம் பேசிய முதல்வர் எடப்பாடி பழனிச்சாமி, ஜெயலலிதாவின் புகழுக்கு புகழ் சேர்க்கும் விதமாக நினைவு மண்டபம் அமைகிறது என்றும் இன்னும் 5 மாத காலத்தில் கட்டி முடிக்கப்பட்டு திறப்பு விழா நடைபெறும் என்றும் கூறினார்.

நீண்ட நாட்களுக்கு பிறகு, கட்டுமானப் பணிகளை பார்வையிடுவதாகக் கூறி ஜெயலலிதா சமாதிக்கு முதல்வர் எடப்பாடி பழனிச்சாமி சென்றது பல்வேறு யூகங்களை எழுப்பியுள்ளது. அதிலும், குறிப்பிட்ட சில அமைச்சர்களை மட்டும் அழைத்துச் சென்று அம்மா சமாதியில் சாஷ்டாங்கமாக விழுந்து எடப்பாடி மரியாதை செலுத்தியது, அதிமுகவுக்குள்ளேயே பரபரப்பான பேச்சாகியுள்ளது


Leave a reply

Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST

More Politics News