உள்ளாட்சி தேர்தலை நடத்தாவிட்டால் நிதி கிடையாது...! மத்திய அமைச்சர் கறார்

by Nagaraj, Jul 16, 2019, 14:14 PM IST

தமிழகத்தில் உள்ளாட்சித் தேர்தலை நடத்தினால் மட்டுமே உள்ளாட்சி அமைப்புகளுக்கான மத்திய அரசின் நிதி ஒதுக்கப்படும் என மத்திய அமைச்சர் நரேந்திர சிங் தோமர் கறாராக பதிலளித்துள்ளார்.

தமிழகத்தில் கடந்த 2016 நவம்பரில் நடத்தப்பட வேண்டிய உள்ளாட்சி அமைப்புகளுக்கான தேர்தல் நடைபெறாமல் தள்ளிப் போய்க் கொண்டே உள்ளது. முதலில் வழக்குகள் காரணமாக தேர்தல் தாமதமாகியது. அதன் பின்னர் அதிமுகவில் ஏற்பட்ட குழப்பம் காரணமாக, உள்ளாட்சித் தேர்தலை நடத்த தமிழக அரசும் தயக்கம் காட்டி வருகிறது.

தேர்தலை நடத்துவதற்கு சென்னை உயர் நீதிமன்றமும் பல முறை காலக்கெடு விதித்தும், கண்டிப்பு காட்டியும் பார்த்து விட்டது. ஆனால் ஏதேனும் ஒரு சாக்கு போக்கு கூறியே தேர்தலை நடத்த வேண்டிய மாநில தேர்தல் ஆணையம் தள்ளிப் போட்டு வருகிறது.

கிட்டத்தட்ட 3 ஆண்டுகளாக உள்ளாட்சித் தேர்தல் நடைபெறாததால், உள்ளாட்சிப் பிரதிநிதிகள் மூலமாக நடைபெற வேண்டிய மக்கள் நலப் பணிகள் முடங்கிப் போயுள்ளது. குடிநீர், சுகாதாரம் போன்ற அடிப்படை வசதிகள் கூட நிறைவேற்றப்படாமல் உள்ளது. இதற்குக் காரணம் உள்ளாட்சி அமைப்புகளுக்கான மத்திய அரசின் நிதியும் நிறுத்தப்பட்டது தான். இதனால் ஏராளமான உள்ளாட்சி அமைப்புகள் நிதிப் பற்றாக்குறையாலும் தள்ளாடுகின்றன.

இந்த விவகாரம் குறித்து மக்களவையில் திமுக எம்.பி. ஆ.ராசா கேள்வியெழுப்பினார்.
உள்ளாட்சி அமைப்புகளுக்கு தேர்தல் நடத்தப்படாததால் வெளிப்படைத்தன்மை என்று குற்றம் சாட்டிய ஆ.ராசா, உள்ளாட்சி அமைப்புகளுக்கு நிதி ஒதுக்குவது குறித்தும் கேள்வி எழுப்பினார். இதற்கு பதிலளித்த மத்திய அமைச்சர் நரேந்திர சிங் தோமர்,
உள்ளாட்சி அமைப்புகளுக்கு நிதி ஒதுக்கும் விவகாரம் தொடர்பாக நீதிமன்றத்தில் வழக்கு உள்ளது . மேலும் உள்ளாட்சி அமைப்புகளுக்கு தேர்தல் நடத்தப்படாத வரை, மத்திய அரசின் நிதியும் விடுவிக்கப்பட மாட்டாது என்று கறாராக பதிலளித்துள்ளார்.

உள்ளாட்சித் தேர்தல் நடக்குமா? தேர்தல் ஆணையம் புதிய மனு


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST