மெகபூபா, உமர் கைது காஷ்மீரில் பதற்றம்

by எஸ். எம். கணபதி, Aug 5, 2019, 21:29 PM IST

ஜம்மு & காஷ்மீர் மாநிலத்துக்கு சிறப்பு அந்தஸ்து வழங்கும் 370-வது அரசியல் சட்டப் பிரிவை 1954-ல் மத்திய அரசு கொண்டு வந்தது. இதன்படி அந்த மாநிலத்தில், இந்தியாவின் பிற பகுதிகளில் உள்ளவர்கள் சொத்துக்களை வாங்க முடியாது.

அம்மாநிலத்துக்கென தனி குடியுரிமைச் சட்டமும் வழங்கப்பட்டிருந்தது. அம்மாநிலத்தைச் சேர்ந்த பெண்கள் வெளி மாநில ஆண்களை திருமணம் செய்தால் குடியுரிமை ரத்து செய்யப்படும் என்பது போல் உரிமைகள் வழங்கப்பட்டிருந்தது. இதை உறுதி செய்யும் வகையில் பிரிவு 35ஏ சட்டப்பிரிவும் அமல்படுத்தப்பட்டது.

இந்த சிறப்பு அந்தஸ்து வழங்கும் 370-வது அரசியல் சட்டப் பிரிவு, 35ஏ பிரிவு ஆகியவற்றை ரத்து செய்ய வேண்டுமென பாஜக பல ஆண்டுகளாக வலியுறுத்தி வந்தது. இன்று, மாநிலங்களவையில் பிரிவு 370ன்படியே ஒரு தீர்மானத்தை கொண்டு வந்து 370 மற்றும் 35ஏ சட்டப் பிரிவுகள் ரத்து செய்யப்படும் என பாஜக அரசு அறிவித்துள்ளது -
இதற்காக மத்திய அரசு கடந்த வாரமாக, ஜம்மு & காஷ்மீர் மாநிலத்தில் சுமார் ஒரு லட்சம் படை வீரர்களை குவித்து பெரும் பீதியை ஏற்படுத்திவிட்டது. காஷ்மீரில் பாகிஸ்தான் தாக்குதல் நடத்தவும், குண்டு வெடிப்பு சதி நடக்கப் போகிறது என்றும், அதனால் முன்னெச்சரிக்கையாக படைகள் குவிக்கப்படுகிறது என்றும் கூறிவந்தது. இதனால் காஷ்மீர் விவகாரத்தில் ஒரு வாரமாகவே சஸ்பென்ஸ் நீடித்தது.

இந்நிலையில் 370-வது சட்டப் பிரிவை ரத்து செய்தால், அதற்கு கடும் எதிர்ப்பு கிளம்பி காஷ்மீரில் கொந்தளிப்பான சூழல் நிலவும் என்பதால் பல்வேறு அதிரடி நடவடிக்கைகளையும் மத்திய அரசு மேற்கொண்டது. காஷ்மீரின் பெரும்பாலான பகுதிகளில் ஊரடங்கு உத்தரவும், 144 தடை உத்தரவும் பிறப்பிக்கப்பட்டது. எதிர்க்கட்சி தலைவர்கள் பலர் நள்ளிரவில் கைது செய்யப்பட்டனர். முன்னாள் முதல்வர்கள் உமர் அப்துல்லா, மகபூபா முப்தி உள்ளிட்ட பலர் வீட்டுச் சிறையில் வைக்கப்பட்டனர். பள்ளி, கல்லூரிகளுக்கு விடுமுறை விடப்பட்டது. மாநிலம் முழுவதும் இருந்த சுற்றுலா பயணிகளும், யாத்திரை சென்றவர்களும் அவசரமாக வெளியேற்றப்பட்டனர். காஷ்மீர் மாநிலம் முழுவதும் தெருக்களில் படை வீரர்கள் குவிக்கப்பட்டு ரோந்தும் தீவிரப்படுத்தப்பட்டது.

இதனால் அச்சத்தில் உறைந்த மக்கள் வீடுகளுக்குள்ளேயே முடங்கினர். இந்நிலையில் 370-வது சட்டப் பிரிவை நீக்க முடிவு செய்யப்பட்டு, அதனை ராஜ்யசபாவில் உள்துறை அமைச்சர் அமித்ஷா தீர்மானமாக கொண்டு வந்து நிறைவேற்றினார்.

மேலும் ஜம்மு & காஷ்மீர் மாநிலத்தை இரண்டாக பிரித்து, ஜம்மு காஷ்மீர் மற்றும் லடாக் பிராந்தியம் என இரண்டு யூனியன் பிரதேசங்களாக்கப்படும் என்ற அறிவிப்பையும் அமித் ஷா வெளியிட்டார். மத்திய அரசின் இந்த திடீர் நடவடிக்கைக்கும், அதற்காக காஷ்மீரில் படைகள் குவிக்கப்பட்டு அடக்கு முறையை கையாண்டதற்கும் எதிர்க்கட்சிகள் கடும் கண்டனம் தெரிவித்து அமளியில் ஈடுபட்டனர்.

இதன் தொடர்ச்சியாக, காஷ்மீரில் மெகபூபா முப்தி, உமர் அப்துல்லா உள்ளிட்ட எதிர்க்கட்சித் தலைவர்களை பாதுகாப்பு படையினர் கைது செய்துள்ளதாக, காஷ்மீரில் இருந்து வரும் தகவல்கள் தெரிவிக்கின்றன.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST