ஹவ்டி விவசாயி.. மோடி கேட்பாரா? காங்கிரஸ் கேள்வி..

by எஸ். எம். கணபதி, Sep 25, 2019, 14:25 PM IST

அமெரிக்காவில் ஹவ்டி மோடி கொண்டாடிய பிரதமர் மோடி, ஹவ்டி விவசாயி, ஹவ்டி யூத்? என அவர்களிடம் விசாரி்ப்பாரா என்று காங்கிரஸ் கேள்வி எழுப்பியுள்ளது.

அமெரிக்காவின் ஹுஸ்டன் நகரில் அமெரிக்க இந்தியர்கள் சார்பில் பிரதமர் மோடிக்கு சிறப்பு வரவேற்பு அளிக்கும் ஹவ்டி மோடி(நலமா மோடி) என்ற நிகழ்ச்சி நடத்தப்பட்டது. நாட்டில் பல பிரச்னைகள் இருக்கும் போது, பல ஆயிரம் கோடி செலவில் அமெரிக்காவுக்கு போய் இப்படியொரு வரவேற்பு நிகழ்ச்சி தேவைதானா என்று காங்கிரஸ், கம்யூனிஸ்ட் கட்சிகள் கேள்வி எழுப்பின. ஹவ்டி மோடி நிகழ்ச்சியை கிண்டலடித்தன.

இந்நிலையில், காங்கிரஸ் செய்தி தொடர்பாளர் ஷர்மிஸ்தா முகர்ஜி, செய்தியாளர்களிடம் கூறியதாவது:

அமெரிக்காவில் ஹவ்டி மோடி என்ற கேள்விக்கு இந்தியாவில் எல்லாம் நலம் என்று பிரதமர் பதிலளித்திருக்கிறார். ஆனால், பெட்ரோல், டீசல் விலை உயர்ந்துள்ளது. வேலைவாய்ப்பு இல்லாமல் இளைஞர்கள் துன்பப்படுகிறார்கள். விவசாயிகளுக்கு நல்ல விலை கிடைக்காமல் அவதிப்படுகிறார்கள். விவசாயிகளை பார்த்து ஹவ்டி விவசாயி என்று பிரதமர் மோடி கேட்பாரா? இளைஞர்களிடம் ஹவ்டி யூத் என்று விசாரிப்பாரா?

சஅரேபிய எண்ணெய் கிணறுகளில் தாக்குதல் நடத்தப்பட்டதைத் தொடர்ந்து எரிபொருள் விலை உயர்ந்து கொண்டே செல்கிறது. இந்தியாவில் ஒரு லிட்டர் பெட்ரோலுக்கு மத்திய அரசு ரூ.20ம், டீசலுக்கு ரூ.15.83ம் வரி விதிக்கிறது. (பெட்ரோல் விலை ரூ.77.06, டீசல் விலை ரூ.70.91). காங்கிரஸ் காலத்தில் வீரப்ப மொய்லி பெட்ரோலிய அமைச்சராக இருந்த போது, இது போன்ற பிரச்னைகளை(சவுதி தாக்குதலால் தட்டுப்பாடு) சமாளிக்க 5 லட்சம் மெட்ரிக் டன் இருப்பு வைத்திருந்தார். இப்போதுள்ள மோடி அரசு பிரச்னைகளை திசைதிருப்பவே முயற்சிக்கிறது.

இவ்வாறு ஷர்மிஸ்தா முகர்ஜி கூறினார்.


Speed News

  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST