விக்கிரவாண்டி, நாங்குனேரி அதிமுக வேட்பாளர்கள் அறிவிப்பு..

by எஸ். எம். கணபதி, Sep 25, 2019, 13:43 PM IST

விக்கிரவாண்டி, நாங்குனேரி சட்டமன்ற இடைத்தேர்களில் போட்டியிடும் அதிமுக வேட்பாளர்கள் அறிவிக்கப்பட்டுள்ளனர்.

விக்கிரவாண்டி, நாங்குனேரி சட்டமன்றத் தொகுதிகளில் அக்.21ம் தேதி இடைத்தேர்தல் நடைபெறவுள்ளது. நாங்குநேரியில் அ.தி.மு.க. சார்பில் போட்டியிடுவதற்கு முன்னாள் எம்.பி.க்கள் மனோஜ்பாண்டியன், பிரபாகரன், நெல்லை புறநகர் மாவட்ட பேரவை தலைவர் ஏ.கே.சீனிவாசன், செயலாளர் நடராஜன், புறநகர் மாவட்ட எம்.ஜி.ஆர். மன்ற செயலாளர் பெரிய பெருமாள், சிறுபான்மை பிரிவு மாவட்ட செயலாளர் கேபிரியேல் ஜெபராஜன், நாங்குநேரி ஒன்றிய செயலாளர் விஜயகுமார், இட்ட மொழி ஊராட்சி முன்னாள் தலைவர் டென்சிங், ஆர்.எஸ்.முருகன், பாப்புலர் முத்தையா, ரெட்டியார்பட்டி நாராயணன் உள்பட பலர் விருப்பமனு அளித்தனர்.

விக்கிரவாண்டியில் போட்டியிடுவதற்கு அ.தி.மு.க சார்பில் ஒன்றிய செயலாளர்கள் கல்பட்டு முத்தமிழ்செல்வன், சிந்தாமணி வேலு, பேட்டை முருகன், கண்டமங்கலம் ராமதாஸ், பொதுக்குழு உறுப்பினர் பன்னீர் உள்ளிட்டோர் விருப்பமனு அளித்தனர்.

இந்நிலையில், அதிமுக ஒருங்கிணைப்பாளர் ஓ.பன்னீர்செல்வம், இணை ஒருங்கிணைப்பாளர் எடப்பாடி பழனிச்சாமி ஆகியோர் கூட்டாக வெளியிட்ட அறிவிப்பு வருமாறு:

விக்கிரவாண்டியில் காணை ஒன்றியச் செயலாளர் எம்.ஆர்.முத்தமிழ்ச்செல்வன், நாங்குனேரியில் திருநெல்வேலி புறநகர் மாவட்ட எம்ஜிஆர் மன்ற இணைச் செயலாளர் ரெட்டியார்பட்டி வெ.நாராயணன் ஆகியோர் அதிமுக சார்பில் போட்டியிடுவார்கள்.
இவ்வாறு தெரிவித்துள்ளனர்.

அதிமுக பொதுச் செயலாளராக ஜெயலலிதா இருக்கும் போது, ஒன்றியச் செயலாளர் அல்லது கிளைச் செயலாளர்களுக்கு தேர்தலில் போட்டியிட வாய்ப்பு கொடுப்பார். அதே அடிப்படையில் தற்போதும் அதிமுக வேட்பாளர்கள் தேர்வு செய்யப்பட்டுள்ளதாக கூறப்படுகிறது.


Speed News

  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST
  • சிறப்பு ரயில்கள் வேண்டாம்..

    மேற்கு வங்கம் கோரிக்கை

    மேற்கு வங்கத்தில் அம்பன் புயலால் பெரும் சேதம் ஏற்பட்டுள்ளது. புயல் மழையால் ஏற்பட்ட பாதிப்புகளை சரி செய்யும் நிவாரணப் பணிகளை மேற்கொள்ள வேண்டியுள்ளதால், தற்போது சிறப்பு ரயில்களை இயக்க வேண்டாம் எ்னறு அம்மாநில அரசு கோரியு்ள்ளது. இது தொடர்பாக ரயில்வே வாரியத் தலைவர் வி.கே.யாதவுக்கு தலைமைச் செயலாளர் ராஜு சின்கா கடிதம் அனுப்பியு்ள்ளார், அதில், சிறப்பு ரயிலில் வரும் புலம்பெயர்ந்த தொழிலாளர்களை பரிசோதனைக்கு உள்ளாக்கி, தனிமைப்படுத்துவதற்கு இயலாத சூழல் உள்ளதால், வரும் 26ம் தேதி வரை சிறப்பு ரயில்களை இயக்க வேண்டாம் எ்னறு கோரப்பட்டுள்ளது. 

    May 23, 2020, 13:57 PM IST
  • மகாராஷ்டிராவில் 44 ஆயிரம்

    பேருக்கு கொரோனா பாதிப்பு

    நாட்டிலேயே அதிகபட்சமாக மகாராஷ்டிராவில் 44,582 பேருக்கு கொரோனா தொற்று பரவியிருக்கிறது. இதில், 12,583 பேர் குணமடைந்துள்ளனர். 1517 பேர் இந்நோய்க்கு பலியாகியுள்ளனர். மாநிலத்தில் மும்பையில்தான் அதிகபட்சமாக 27 ஆயிரம் பேருக்கு கொரானா தொற்று பரவியிருக்கிறது.

     

    May 23, 2020, 13:53 PM IST
  • ஒரு லட்சத்து 6,750 பேருக்கு

    கொரோனா பரவியது..

    நாடு முழுவதும் கொரோனா பாதித்தவர்களின் எண்ணிக்கை ஒரு லட்சத்து  1,139 பேரில் இருந்து  ஒரு லட்சத்து 6,750 பேராக அதிகரித்துள்ளது. குணமடைந்தவர்களின் எண்ணிக்கை 39,174ல் இருந்து 41,298 ஆக அதிகரித்து்ள்ளது. கொரோனாவால் பலியானவர்களின் எண்ணிக்கை  3,163ல் இருந்து 3,303 ஆக உயர்ந்துள்ளது.

    May 20, 2020, 13:42 PM IST
  • மகாராஷ்டிராவில் கொரோனாவுக்கு

    1325 பேர் உயிரிழப்பு

    நாட்டிலேயே மகாராஷ்டிராவில்தான் மிகவும் அதிகமானோருககு கொரோனா பரவியிருக்கிறது. இது வரை 37,136 பேருக்கு கொரோனா தொற்று கண்டறியப்பட்டிருக்கிறது. இதில் 1325 பேர் சிகிச்சை பலனின்றி உயிரிழந்துள்ளனர். காவல்துறையில் மட்டும் 1388 பேருக்கு கொரோனா பரவியிருக்கிறது. இதில் 428 பேர் குணமடைந்துள்ளனர். 12 பேர் பலியாகியுள்ளனர். 

    May 20, 2020, 13:37 PM IST