நாங்கள் எதிர்பார்த்ததை விட அதிகம் தான்... கமல் உற்சாகமோ உற்சாகம்.!

by Nagaraj, May 24, 2019, 13:31 PM IST

கட்சி ஆரம்பித்த 16 மாத காலத்தில், சந்தித்த முதல் தேர்தலில் நாங்கள் எதிர்பார்த்ததற்கும் மேலாகவே வாக்குகளை மக்கள் வாரி வழங்கியுள்ளனர். நல்ல வழியில் பயணத்தை தொடர்வோம் என மக்கள் நீதி மய்யம் தலைவர் கமல்ஹாசன் உற்சாகமாக தெரிவித்துள்ளார்.

புதிதாக கட்சியை ஆரம்பித்து, புதுமையான பாணியில் அரசியல் களம் புகுந்த நடிகர் கமல், மக்களவை மற்றும் 22 சட்டப்பேரவை இடைத்தேர்தலில் கெத்தாக தனித்தே களமிறங்கினார் கமல். அரசியலில் ஜொலிப்பாரா? மாட்டாரா? என்ற கேள்விகள் எழ, தன் பாணியில், தமிழகம் முழுவதும் விறுவிறுவென பிரச்சாரம் மேற்கொண்டார்.வேட்பாளர்களையும் படித்தவர்கள், கை சுத்தமானவர்கள், பொது வாழ்வில் உள்ளவர்கள் என பார்த்துப் பார்த்து களத்தில் இறக்கினார் கமல்.

முதலில் நடந்த மக்களவைத் தேர்தல் மற்றும் 18 தொகுதி இடைத்தேர்தல் பிரச்சாரத்தில் கமல் தீவிரம் காட்டினார். அடுத்து நடந்த 4 தொகுதி இடைத்தேர்தல் பிரச்சாரத்தில், அரவக்குறிச்சியில் இந்து தீவிரவாதி என கமல் பேசியது சர்ச்சையாகி விட்டது. கமலின் இப்பேச்சு, பிரதமர் மோடி வரை விளக்கம் கூறும் அளவுக்கு சர்ச்சையாகி, கமலுக்கு பெரும் விளம்ப்ரம் தேடிக் கொடுத்து விட்டது எனலாம்.

இந்நிலையில் தற்போது வெளியான தேர்தல் முடிவுகளும் கமலை உற்றுப் பார்க்க வைத்துள்ளது. பல தொகுதிகளில் வட்சத்தை தாண்டி 10% அளவுக்கு மக்கள் நீதி மய்யம் வாக்குகளை அள்ளி 3-ம் இடத்தை பிடித்துள்ளது. நகர்ப்புற , படித்த மற்றும் இளைஞர்கள் பலரின் வாக்குகளை கமல் கவர்ந்து, தனி சக்தியாக உருவெடுப்பார் என்றே இந்த வாக்குகள் மூலம் தெரிய வந்துள்ளது.

இந்தத் தேர்தல் முடிவுகள் குறித்து தன் கட்சி நிர்வாகிகளுடன் உற்சாகமாக கமல் செய்தியாளர்களிடம் கூறியதாவது:

எதிர்பார்த்ததை விட அதிகமான வாக்குகளை மக்கள் எங்களுக்கு அளித்துள்ளனர், வாக்களித்த மக்களுக்கு நன்றி. மக்களுக்கு நாங்கள் கடமைப்பட்டுள்ளோம், தொடர்ந்து செயலாற்றுவோம். நல்ல வழியில் தான் நாங்கள் போய்க்கொண்டிருக்கிறோம்.
14 மாதத்தில் எங்களால் என்ன முடியுமோ, அதை செய்துள்ளோம். தேர்தல் தோல்வியால் எங்களுக்கு ஏமாற்றம் இல்லை என்று கமல் கூறினார்.

மத்தியில் மீண்டும் மோடி பிரதமராவது குறித்து கமல் கூறுகையில், பாஜக வெற்றி என்பது தமிழக மக்கள் கொடுத்தது அல்ல. ஆனால் தமிழகத்தையும் பிற மாநிலங்களைப் போலவே பாஜகவும், பிரதமர் மோடியும் கருத வேண்டும் என கமல் குறிப்பிட்டார்.


Speed News

  • சமயத் தலைவர்களுடன் 

    தலைமை செயலர் ஆலோசனை

    கொரோனா ஊரடங்கு கட்டுப்பாடுகள் தளர்த்தப்பட்ட நிலையில், வரும் 6ம் தேதி முதல் வழிபாட்டுத் தலங்களை திறக்கலாம் என்று மத்திய அரசு அறிவித்துள்ளது. தமிழகத்தில் இது தொடர்பாக முடிவெடுப்பதற்காக இன்று மாலை 4.45 மணியவில் ஆலோசனைக் கூட்டம் நடைபெற்றது. தலைமைச் செயலகத்தில் பல்வேறு சமயத் தலைவர்களுடன் இன்று மாலை நடக்கும் கூட்டத்தில் தலைமைச் செயலாளர் சண்முகம் ஆலோசனை நடத்தவுள்ளார். 

    Jun 3, 2020, 14:46 PM IST
  • சென்னை ராயபுரத்தில் 
    3 ஆயிரம் பேருக்கு கொரோனா
     
    சென்னையில் இது வரை 16,585 பேருக்கு கொரோனா பாதித்துள்ளது. குறிப்பாக, ராயபுரம் மண்டலத்தில்  3,060 பேருக்கு கொரோனா தொற்று உறுதி செய்யப்பட்டுள்ளது. மற்ற மண்டலங்களில் பாதிப்பு வருமாறு:   கோடம்பாக்கம் - 1,921, தண்டையார்பேட்டை -  2,007, திரு.வி.க.நகர் -  1,711, தேனாம்பேட்டை - 1,871, அண்ணாநகர் - 1,411, வளசரவாக்கம் -  910, அடையாறு - 949, அம்பத்தூர் - 619, திருவொற்றியூர் - 559, மாதவரம் - 400, மணலி - 228, பெருங்குடி - 278
    ஆலந்தூர் - 243, சோழிங்கநல்லூர் - 279
     

     
    Jun 3, 2020, 14:42 PM IST
  • டெல்லி அரசில் சம்பளம்

    போட பணம் இல்லை..

    டெல்லி துணை முதல்வர் மணீஷ் சிசோடியா இன்று அளித்த பேட்டியில், ‘‘டெல்லி அரசு ஊழியர்களுக்கு சம்பளம் போடவும், சாதாரணச் செலவுகளுக்கும் மாதம் ரூ.3500 கோடி தேவை. ஆனால், கடந்த 2 மாதங்களாக ஜி.எஸ்.டி வசூல் தலா ரூ.500 கோடி அளவில்தான் உள்ளது. மற்ற வழிகளிலும் ரூ.1735 கோடி வருவாய் மட்டுமே கிடைத்துள்ளது. எனவே, மத்திய அரசாங்கம் டெல்லி அரசுக்கு உடனடியாக ரூ.5 ஆயிரம் கோடி நிதி அளிக்க வேண்டும்’’ என்றார். 

    May 31, 2020, 14:10 PM IST
  • தொழிலாளர்களுக்கு எவ்வளவு

    கொடுத்தீர்கள்.. கபில்சிபல் கேள்வி

     

    காங்கிரஸ் மூத்த தலைவர் கபி்ல் சிபில், பிரதமர் மோடிக்கு ஒரு கேள்வி எழுப்பியுள்ளார். அவர் கூறுகையில், ‘‘பி.எம். கேர் நிதியில் இருந்து இது வரை எத்தனை தொழிலாளர்களுக்கு எவ்வளவு பணம் கொடுத்தீ்ர்கள்? இந்த ஊரடங்கு காலத்தில் பல தொழிலாளர்கள் பலியாகியுள்ளனர். சிலர் ரயிலில் இறந்து்ள்ளார்கள். சில நடக்கும் போது இறந்துள்ளார்கள். சிலர் பசியால் மடிந்துள்ளார்கள். நீங்கள் எவ்வளவு தொகை கொடுத்தீ்ர்கள் என்று பதில் கூற வேண்டும்’’ என்றார்

    May 31, 2020, 14:07 PM IST
  • தெருவுக்கு வாங்கய்யா..

    யஷ்வந்த் சின்கா ட்விட்

    முன்னாள் மத்திய அமைச்சர் யஷ்வந்த் சின்கா இன்று ஒரு ட்விட் பதிவிட்டுள்ளார். அதில், ‘‘ஏழைகளின் துயரங்களை கவனிக்காமல், மத்திய அரசு கண்களையும், காதுகளையும் மூடிக் கொண்டிருக்கும் போது, எதிர்க்கட்சிகள் வெறும் மனுக்களை கொடுத்து கொண்டிருப்பது சரியா? இதற்கு மேலும் வெறும் அறிக்கைகள் எதுவும் பலனளிக்காது. எதிர்க்கட்சிகள் அனைத்தும் தெருவுக்கு வந்து போராட வேண்டும்’’ என்று கூறியுள்ளார். 

    May 23, 2020, 14:18 PM IST