உலகை அச்சுறுத்தி வந்த ஐ.எஸ். தீவிரவாத தலைவர் பாக்தாதியை கொன்றது எப்படி?

by எஸ். எம். கணபதி, Oct 28, 2019, 09:20 AM IST

உலகையே அச்சுறுத்தி வந்த ஐ.எஸ்.ஐ.எஸ். தீவிரவாதிகள் குழு தலைவர் அபுபக்கர் அல் பாக்தாதி கொல்லப்பட்டார் என்பதை அமெரிக்க அதிபர் டிரம்ப் அதிகாரப்பூர்வமாக அறிவித்துள்ளார். பாக்தாதி எப்படி கொல்லப்பட்டார் என்பது குறித்து பல தகவல்கள் வெளியாகியுள்ளன.

சிரியா மற்றும் ஈராக்கின் சில பகுதிகளை கைப்பற்றி, இஸ்லாமிய தேசம் அமைக்கும் நோக்கத்துடன் ஐ.எஸ்.ஐ.எஸ்(இஸ்லாமிக் ஸ்டேட் ஆப் ஈராக் அன்ட் சிரியா) தீவிரவாதிகள் அந்நாடுகளில் ஊடுருவினர். மேலும், பல நாடுகளில் பயங்கர குண்டுவெடிப்புகளை நடத்தி, உலகிற்கு மிகப் பெரிய அச்சுறுத்தலாக விளங்கினர். சர்வதேச அளவில் மிகவும் பயங்கரமான அமைப்பாக ஐ.எஸ். அமைப்பு கருதப்பட்டது.

இந்த அமைப்பின் தலைவர் அபுபக்கர் அல் பாக்தாதி, தேடப்படும் பயங்கரவாதியாக அறிவிக்கப்பட்டார். பாக்தாதி கொல்லப்பட்டதாக சில சமயங்களில் செய்திகள் வெளியானாலும் அது தவறான தகவல் என்று தெரிய வந்தது. இதற்கிடையே, பயங்கரவாதச் செயல்களை தூண்டும் வகையில் பாக்தாதி பேசிய ஆடியோக்களை ஐ.எஸ் அமைப்பு வெளியிட்டு வந்தது.

இந்நிலையில், அமெரிக்கா தலைமையிலான நேசநாடுகள் படையினர், சிரியாவில் முகாமிட்டு ஐ.எஸ். தீவிரவாதிகள் மீது போர் தொடுத்து அந்த அமைப்பின் பிடியில் இருந்த பகுதிகளை மீட்டு வந்தனர். இதற்கிடையே, இலங்கையில் கடந்த சில மாதங்களுக்கு முன்பு ஈஸ்டர் பண்டிகையன்று கிறிஸ்தவ தேவாலயங்களில் பயங்கர குண்டுவெடிப்புகள் நிகழ்ந்தன. பலர் உயிரிழந்தனர். இதற்கு ஐ.எஸ், அமைப்பினரே காரணம் என்று புலனாய்வில் தெரிய வந்தது. இதன்பின், பாக்தாதி பேசும் வீடியோ ஒன்று, கடந்த ஏப்ரல் மாதம் வெளியானது. அதில் இலங்கை தாக்குதலுக்கு பொறுப்பேற்று பேசியிருந்தார்.

இந்நிலையில், அமெரிக்க படைகளின் தாக்குதலில் அல் பாக்தாதி கொல்லப்பட்டதாக நேற்று(அக்.27) தகவல்கள் வெளியாகின. அமெரிக்க அதிபர் டொனால்ட் ட்ரம்ப் தனது ட்விட்டர் பக்கத்தில், ஒரு மிகப் பெரிய சம்பவம் நடைபெற்றுள்ளது என்று பதிவிட்டிருந்தார். அப்போதே அமெரிக்கா முழுவதும் பரபரப்பு ஏற்பட்டது. அதன்பின், டிரம்ப் தனது ட்விட்டர் பக்கத்தில் ஐ.எஸ் தீவிரவாத அமைப்பின் தலைவர் அபுபக்கர் அல் பாக்தாதி கொல்லப்பட்டதாக அதிகாரப்பூர்வமாக அறிவித்தார்.

சிரியாவில் பல இடங்களில் தலைமறைவாக இருந்து வந்த பாக்தாதி பற்றிய தகவல்களை, அமெரிக்க கூட்டுப்படைகள், துருக்கி அதிகாரிகள், ஈராக் புலனாய்வு அமைப்பினர் சேகரித்து வந்தனர். பாக்தாதியின் உதவியாளர் இஸ்மாயில் எதாவி என்பவரை துருக்கி அதிகாரிகள் பிடித்து விட்டனர். அவரிடம் துருவித் துருவி விசாரித்த போது பாக்தாதியைப் பற்றிய பல தகவல்கள் கிடைத்தனர்.

இதையடுத்து, அவரை ஈராக் அதிகாரிகளிடம் ஒப்படைத்தனர். அவர்கள் விசாரணை நடத்திய போது எதாதி சில தகவல்களை கொடுத்தார். பாக்தாதி, சிரியாவில் காய்கறிகளை கொண்டு செல்லும் மினிபஸ்களில் ஒவ்வொரு இடத்தில் இருந்தும் தப்பி வந்துள்ளார். மேலும், அவரை சுற்றி 5 முக்கிய கமாண்டர்கள் இருப்பதாக கூறி, அவர்களைப் பற்றிய தகவல்களையும் எதாதி தெரிவித்திருக்கிறார். அதே போல், பாக்தாதியின் மறைவிடங்கள் எவை என்பதையும் பட்டியலிட்டிருக்கிறார்.

இந்த தகவல்களை கொண்டு, ஈராக் பாதுகாப்பு படையினர் தீவிரமாக கண்காணித்தனர். அதில், இட்லிப் மாகாணத்தில் இருந்த பாக்தாதி, தனது குடும்பத்தினரை துருக்கி எல்லைக்கு இடமாற்றம் செய்ய முயற்சி மேற்கொண்ட போது, பாக்தாதியின் சரியான இருப்பிடம் கண்டுபிடிக்கப்பட்டது, இதையடுத்து அவரை பாதுகாப்பு படையினர் சுற்றி வளைத்து கொன்றனர் என்று தகவல்கள் தெரிவிக்கின்றன.


Speed News

  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST
  • டெல்லியில் 87 ஆயிரம் பேருக்கு

    கொரோனா பாதிப்பு

    டெல்லியில் நேற்று புதிதாக 2179 பேருக்கு கொரோனா தொற்று உறுதி செய்யப்பட்டது. இத்துடன் இங்கு கொரோனா பாதித்தவர் எண்ணிக்கை 87,360 ஆக உயர்ந்துள்ளது. இதில் 58,348 பேர் குணம் அடைந்துள்ளனர். நேற்று பலியான 62 பேரையும் சேர்த்து மொத்த உயிரிழப்பு 2741 ஆக உள்ளது.

    Jul 1, 2020, 13:45 PM IST
  • மகாராஷ்டிராவில் ஒரே நாளில்

    4878 பேருக்கு கொரோனா

    நாட்டிலேயே அதிகபட்சமாக மகாராஷ்டிராவில்தான் கொரோனா பாதித்துள்ளது. நேற்று ஒரே நாளில் 4878 பேருக்கு கொரோனா தொற்று உறுதி செய்யப்பட்டுள்ளது. இது வரை மொத்தம் ஒரு லட்ச்த்து 74,761 பேருக்கு கொரோனா பாதித்திருக்கிறது. இதில் 90,911 பேர் குணம் அடைந்துள்ளனர். இ்ம்மாநிலத்தில் 9 லட்சத்து 66,723 கொரோனா பரிசோதனைகள் செய்யப்பட்டுள்ளது.

    Jul 1, 2020, 13:43 PM IST
  • ராஜஸ்தானில் 18 ஆயிரம் பேருக்கு

    கொரோனா தொற்று பாதிப்பு

    ராஜஸ்தானில் முதல்வர் அசோக் கெலாட் தலைமையில் காங்கிரஸ் ஆட்சி நடைபெறுகிறது. இந்த மாநிலத்தில் நேற்று 354 பேருக்கு கொரோனா தொற்று பாதித்துள்ளது. இது வரை மொத்தம் 18,014 பேருக்கு கொரோனா தொற்று கண்டறியப்பட்டுள்ளது. இது வரை 413 பேர் கொரோனாவால் பலியாகியுள்ளனர். 

    ராஜஸ்தானில் இது வரை 8 லட்சத்து 24,213 கொரோனா பரிசோதனைகள் மேற்கொள்ளப்பட்டுள்ளன. இத்தனை சோதனைகளில் 18 ஆயிரம் பேருக்குத்தான் கொரோனா பரவியிருக்கிறது. ஆனால், தமிழ்நாட்டில் 11 லட்சம் பரிசோதனைகள் செய்ததில் 90 ஆயிரம் பேருக்கு கொரோனா பாதித்துள்ளது. அதே போல், தமிழகத்தில் கொரோனா பலியும் 1200 ஆக உள்ளது. 

    Jul 1, 2020, 13:40 PM IST
  • தந்தை, மகன் மரணம் குறித்த வழக்கு

    சி,பி.சி.ஐ.டி விசாரிக்க உத்தரவு

    சாத்தான்குளம் ஜெயராஜ், அவரது மகன் பென்னிக்ஸ் ஆகியோர் மர்ம மரணம் தொடர்பாக சி.பி.ஐ. விசாரணைக்கு தமிழக அரசு பரிந்துரைத்துள்ளது. இந்நிலையில், இது தொடர்பான வழக்கு மதுரை ஐகோர்ட் கிளையில் இன்று விசாரணைக்கு வந்தது. அப்போது, நீதிபதிகள் கூறுகையில், ‘‘இந்த 2 பேர் மரணம் தொடர்பான தடயங்களை மறைக்க வாய்ப்புள்ளதால்,  வழக்கை சி.பி.ஐ. விசாரிக்கத் தொடங்கும் வரை சி.பி.சி.ஐ.டி. விசாரிக்க வேண்டும்’’ என்று உத்தரவிட்டனர். 

    Jun 30, 2020, 13:33 PM IST