என்னது ஜேக்ஸ்பேரோ கதாபாத்திரத்தில் இனி ஜானி டெப் நடிக்கமாட்டாரா?

ஹாலிவுட் நடிகர் ஜானி டெப் என்று சொன்னால் பலருக்கும் ஞாபகம் வராது. ஆனால், கேப்டன் ஜேக்ஸ்பேரோ என்றால், உடனே அனைவருக்கும் நினைவு வரும்.

கடந்த 14 ஆண்டுகளாக வெளியான 5 பாகங்களில் கேப்டன் ஜேக்ஸ்போரோவாக வாழ்ந்த ஜானி டெப், ஆறாவது பாகத்தில் நடிக்கப் போவதில்லை என டிஸ்னி அறிவித்துள்ளது. 55வயதாகும் ஜானி டெப்பை நீக்கி விட்டு, புதிய நடிகரை நடிக்க வைக்க டிஸ்னி நிறுவனம் திட்டமிட்டுள்ளது. இந்த செய்தி அறிந்த ஜானி டெப் ரசிகர்கள் சோகத்தில் ஆழ்ந்துள்ளனர்.

டெட்பூல் படத்திற்கு திரைக்கதை எழுதிய ரெட் ரீஸ் மற்றும் பால் வெர்னிக் இளம் ஜேக்ஸ்பேரோவை புது உத்வேகத்துடன் காட்ட திட்டமிட்டுள்ளதால் தான் ஜானி டெப்பை நீக்கும் நிலை ஏற்பட்டது என டிஸ்னி தரப்பில் விளக்கம் அளிக்கப்பட்டது.

பைரேட்ஸ் ஆஃப் தி கரீபியன் படத்தில் நடித்த இரண்டாவது நாயகன், நாயகி என பல கதாபாத்திரத்தில் நடித்த நடிகர்கள் முன்னதாக மாற்றப்பட்டாலும், ஜேக்ஸ்பேரோவாக ஜானி டெப்பே நீடித்து வந்தார்.

இந்நிலையில், அடுத்த பாகத்தில் அல்ல இனி வரும் பைரேட்ஸ் ஆஃப் தி கரீபியன் படங்களிலும் ஜானி டெப் நடிக்கப் போவதில்லை என தெரிகிறது.

இதுவரை இந்த 5 பாகங்களும் உலகளவில் 31,500 கோடி ரூபாய் வசூலித்தது குறிப்பிடத்தக்கது.

எத்தனை ஸ்பைடர் மேன் ஹீரோக்கள் மாற்றப்பட்டாலும், டோபி மார்கே போல வேறு ஒரு ஸ்பைடர் மேனை ரசிகர்கள் ஏற்கவில்லையோ அதே போல் தான் எத்தனை ஜேக்ஸ்பேரோக்கள் வந்தாலும் கேப்டன் ஜானி டெப் தான்.

You'r reading என்னது ஜேக்ஸ்பேரோ கதாபாத்திரத்தில் இனி ஜானி டெப் நடிக்கமாட்டாரா? Originally posted on The Subeditor Tamil