அ.தி.மு.க. முன்னாள் எம்.பி. மனைவி படுகொலை: கொலைக்கார மகனை வலை வீசி தேடும் போலீசார்

by Subramanian, Apr 16, 2019, 09:46 AM IST

அ.தி.மு.க. முன்னாள் எம்.பி. குழந்தை வேலுவின் மனைவியை அவரது சொந்த மகனே கொலை செய்து விட்டு தப்பி ஒடி விட்டார். அவரை போலீசார் வலை வீசி தேடி வருகின்றனர்.

சென்னை பெசன்ட் நகர் 6-வது அவென்யூவில் வசித்து வந்தவர் அ.தி.மு.க. முன்னாள் எம்.பி. (திருச்செங்கோடு) குழந்தை வேலு. கடந்த சில ஆண்டுகளுக்கு முன் குழந்தை வேலு மரணம் அடைந்து விட்டார். குழந்தை வேலுவின் மனைவி ரத்தினம் தற்போது அந்த வீட்டில் தனியாக வசித்து வருகிறார். குழந்தை வேலு-ரத்தினம் தம்பதியினருக்கு ஒரு மகளும் ஒரு மகனும் உள்ளனர்.

குழந்தை வேலுவின் மகள் சுதா திருப்பூரில் கணவரோடு வசித்து வருகிறார். மகன் பிரவீன் (வயது 35) லண்டனில் வசித்து வருகிறார். ரத்தினத்துக்கும், அவரது மகன் பிரவீனுக்கும் சமீபகாலமாக சொத்து தகராறு இருந்து வந்தது. இந்நிலையில் ஒரு மாதத்துக்கு முன்பு லண்டனிலிருந்து சென்னை வந்துள்ளார் பிரவீன். அப்போதும் அம்மாவுக்கும், மகனுக்கும் இடையே மீண்டும் சொத்து தகராறு ஏற்பட்டது.

இந்த சூழ்நிலையில் நேற்று முன்தினம் இரவு ரத்தினம் தனது மகள் சுதாவுக்கு போன் செய்து பிரவீன் சொத்து கேட்டு தகராறு செய்வதாக கூறியுள்ளார். சிறிது நேரத்துக்கு பிறகு சுதா தனது அம்மாவுக்கு போன் செய்துள்ளாள். ஆனால் அவரை தொடர்பு கொள்ள முடியவில்லை. இதனால் அதிர்ச்சி அடைந்த சுதா சென்னையில் உள்ள தனது உறவினர் வீட்டுக்கு போன் செய்து நடந்த சம்பவத்தை கூறி தனது அம்மா வசிக்கும் வீட்டுக்கு சென்று பார்க்கும்படி கூறியுள்ளார்.

இதனையடுத்து அந்த உறவினரும் ரத்னம் வசிக்கும் வீ்ட்டுக்கு சென்றுள்ளார். வீட்டின் கதவு வெளிப்பக்கம் பூட்டப்பட்டு இருந்தது. இதனால் சந்தேகம் அடைந்து போலீசாருக்கு அவர் தகவல் கொடுத்தார்.

இதனையடுத்து அங்கு வந்த சாஸ்திரி நகர் போலீசார் பூட்டை உடைத்து உள்ளே சென்ற போது, ரத்தினம் கத்தி குத்து காயங்களுடன் சடலமாக கிடந்தார். அவரது கை மற்றும் கால்கள் கட்டப்பட்டு இருந்தது. வாயில் பேப்பர் திணித்து வைக்கப்பட்டு இருந்தது. போலீசார் சடலத்தை மீட்டு பிரதேச பரிசோதனைக்கு அனுப்பினர். சொத்து தொடர்பாக இந்த கொலை நடந்தது என முதல் கட்ட விசாரணையில் தெரியவந்தது. பிரவீனை கைது செய்தால் மட்டுமே கொலைக்கான முழு காரணமும் தெரியவரும். அதனால் தலைமறைவாக உள்ள பிரவீனை போலீசார் வலை வீசி தேடி வருகின்றனர். மேலும் பிரவீன் வெளிநாட்டுக்கு தப்பி செல்வதை தடுக்க விமான நிலையத்திலும் போலீசார் உஷார் படுத்தப்பட்டுள்ளனர்.


Speed News

  • டெல்லி, மும்பை, சென்னையில்

    கட்டுப்படாத கொரோனா பரவல்

    இந்தியாவில் இது வரை 6 லட்சத்து 97 ஆயிரம் பேருக்கு கொரோனா பரவியிருக்கிறது. குறிப்பாக, டெல்லி, மும்பை, சென்னை ஆகிய பெருநகரங்களில்தான் அதிகமானோருக்கு கொரோனா பரவியிருக்கிறது. 

    டெலலியில் நேற்று 2244 பேருக்கு தொற்று அறியப்பட்ட நிலையில், அங்கு மொத்தம் 99,444 பேருக்கு கொரோனா பரவியிருக்கிறது. சென்னையில் நேற்று 1713 பேருக்கு கொரோனா தொற்று கண்டறியப்பட்ட நிலையில், மொத்தம் 68,254 பேருக்கு கொரோனா பாதித்துள்ளது.  மும்பையில் நேற்று 1311 பேருக்கு கொரோனா தொற்று உறுதியான நிலையில், மொத்தம் 84,125 பேருக்கு பாதித்திருக்கிறது.  

    Jul 6, 2020, 12:49 PM IST
  • உள்நாட்டில் தயாரிக்கப்பட்ட

    11,300 வென்டிலேட்டர்கள் சப்ளை

    கொரோனா சிகிச்சையில் மூச்சு திணறல் உளள நோயாளிகளுக்கு சுவாசிப்பதற்கு வென்டிலேட்டர் தேவைப்படுகிறது. கொரோனா பாதிப்பு அதிகமான நிலையில், வென்டிலேட்டர் தேவையும் அதிகமானது. இதையடுதது, உள்நாட்டிலேயே வென்டிலேட்டர்கள் தயாரிக்கப்பட்டன. 

    இந்நிலையில், உள்நாட்டில் தயாரிக்கப்பட்ட 11,300 வென்டிலேட்டர்கள், மருத்துவமனைகளுக்கு சப்ளை செய்யப்பட்டுள்ளதாக மத்திய சுகாதாரத் துறை அமைச்சர் ஹர்ஷ்வர்தன் தெரிவித்தார். மேலும், 6 கோடி ஹைட்ராக்சி குளோரோகுயின் மாத்திரைகள், ஒரு லட்சம் ஆக்ஸிஜன் சிலிண்டர்கள் சப்ளை செய்யப்பட்டுளளதாகவும் அவர் தெரிவித்தார். 

    Jul 4, 2020, 14:34 PM IST
  • சாத்தான்குளம் வழக்கில் 

    மேலும் 4 பேர் கைது

    சாத்தான்குளம் வியாபாரி ஜெயராஜ், அவரது மகன் பென்னிக்ஸ் ஆகியோர் போலீசாரால் கைது செய்யப்பட்டு சிறையில் இருந்த போது திடீர் மரணம் அடைந்தனர். போலீசார் அவர்களை கொடுமையாக தாக்கியதால்தான், அவர்கள் உயிரிழந்தனர் என்று குற்றம்சாட்டப்படுகிறது. பிரேதப் பரிசோதனை அறிக்கையிலும் அவர்கள் தாக்கப்பட்டிருப்பது உறுதியானது.

    இந்நிலையில், கொலை வழக்கு பதிவு செய்யப்பட்டு இன்ஸ்பெக்டர் ஸ்ரீதர் உள்ளிட்டோர் கைது செய்யப்பட்டனர். இதன் தொடர்ச்சியாக, எஸ்.ஐ.பாலகிருஷ்ணன், தலைமைக் காவலர் முருகன், கான்ஸ்டபிள் முத்துராஜா உள்ளிட்ட 4 பேர் கைது செய்யப்பட்டுள்ளனர். 

    Jul 4, 2020, 14:30 PM IST
  • அமைச்சர் மனைவிக்கு கொரோனா..

    தமிழக கூட்டுறவுத் துறை அமைச்சர் செல்லூர் ராஜுவின் மனைவி ஜெயந்திக்கு கொரோனா பாதித்துள்ளது. இவருக்கு பரிசோதனை செய்ததில், கொரோனா தொற்று உறுதி செய்யப்பட்டதால், தனியார் மருத்துவமனையில் சேர்க்கப்பட்டுள்ளார். அமைச்சர் செல்லூர் ராஜுவு்க்கு பரிசோதனை செய்ததில், அவருக்கு தொற்று ஏற்படவில்லை.

    ஏற்கனவே அமைச்சர் கே.பி.அன்பழகன் மற்றும் அதிமுக, திமுக சட்டமன்ற உறுப்பினர்கள் சிலருக்கு கொரோனா தொற்று பாதித்து மருத்துவமனைகளில் சிகிச்சை பெற்று வருகின்றனர். 

    Jul 4, 2020, 14:26 PM IST
  • மும்பையில் கொரோனாவுக்கு

    நேற்று 36 பேர் உயிரிழப்பு

    நாட்டிலேயே மும்பை, சென்னை, டெல்லி ஆகிய  பெருநகரங்களில்தான் கொரோனா பாதிப்பு அதிகமாக உள்ளது. மும்பையில் நேற்று புதிதாக 903 பேருக்கு கொரோனா தொற்று கண்டறியப்பட்டது. இத்துடன் கொரோனா பாதித்தவர் எண்ணிக்கை 77,197 ஆக உயர்ந்தது. இதில் 44170 பேர் குணம் அடைந்துள்ளனர். நேற்று மட்டும் கொரோனா நோயாளிகள் 36 பேர் பலியாகியுள்ளனர். இதையடுத்து கொரோனா பலி 4514 ஆக உயர்ந்துள்ளது. 

    Jul 1, 2020, 13:53 PM IST